‑Tɛ Jona da Nyɩsʋa, 'ke 'le ‑hrin.e 'kwli 'mʋ
2
‑Tɛ ʋ po Jona 'nie 'mʋ, ‑ye Kʋkɔnyɔ nue nɩ, ‑hrin.
e gblaka ꞊de, 'ɛ di 'le, 'ɛ mra Jona a ‑gbɛ, 'ɔ nu ‑nyrɔwɩɩ ta, kɔ 'tɔyrʋwɩɩ ta, 'ke 'le ‑hrin.
e a ‑gbɛ 'kwli 'mʋ.
2 Bɔ nɩ 'klɛɛ 'le ‑hrin.
e gblaka a ‑gbɛ 'kwli 'mʋ, ‑ye Kʋkɔnyɔ Nyɩsʋa ꞊nʋ, ‑ɔ kɔ ‑kʋan ɔɔ nu, ɔ ‑tʋa 'a dɩda gbo,
3 ɔ nɔ:
Kʋkɔnyɔ o, ‑tɛ 'n nɩ 'le 'kla‑wliye'yɩya wlɔn, 'n da ‑mʋ nɩ, ꞊nɩ di 'mʋ ke.
'Ɛ mɔ ‑tɛɛ, ‑tɛ 'n nɩ 'le 'kʋkʋɛ wlɔn, 'n da ‑mʋ nɩ, ꞊nɩ 'wɔn 'na win, ꞊nɩ waa 'mʋ.
4 'Ke 'le 'yru a 'wlo 'mʋ, 'kee nɩ, ‑n po 'le 'mʋ, 'nɩ ꞊mɩɛ, 'nie gblaka 'ɛ ꞊glaa 'le 'mʋ, ꞊nɩ nye nu, 'a 'dʋɩ 'ɩɩ 'mʋ klɛ bi.
5 ‑Tɛ ɛ nɩ lɛ 'mʋ, ‑ye kɛ 'n po:
Kʋkɔnyɔ o, ‑n bla 'mʋ lɛ, ꞊nɩ hreen 'mʋ ‑n dɩɔnʋ ‑wɔn.
Kɛɛ, 'nɩɩ ‑hʋa ꞊bo 'ye lele ‑na 'kagblaka.
6 ‑Tɛ 'nɩɩ ꞊mɩɛ, 'ke 'le 'yru a 'dʋɩ ‑hɛyri, ‑ye 'nie ka 'mʋ ke, ‑piti ꞊nʋ, ‑ɩɩ 'le 'yru ‑wɔn ꞊ga, 'ɩ ꞊glaa 'le 'na 'lu lɛ.
7 'Ke 'le 'dʋgbɩ a bʋgbo, 'kee nɩ, 'n ꞊tɩ 'le.
'Kʋkʋɛ a gbonɩɩlɛ 'mʋ, 'kee nɩ, 'n nɩ 'le, 'waa 'maji 'ɩɩ ꞊gbɛ, ‑tɛ 'klɔ tɛ ye gbo.
Kɛɛ, Kʋkɔnyɔ o, ‑mɔ mɔ 'na Nyɩsʋa, ‑mɔ ‑ha 'le 'mʋ 'kʋkʋɛ a 'hʋɔ wlɔn.
8 ‑Tɛ 'nɩɩ mu 'kʋ, ‑ye ‑na ‑tɩ bi 'le 'mʋ 'mʋ 'kwli, 'nɩ da ‑mʋ, ꞊nɩ 'wɔn 'na win, 'ke 'le ‑na gbonɩɩlɛ 'mʋ, ꞊nɩ waa 'mʋ.
9 Nahuin ꞊nʋ, ‑ʋʋ 'kuo da, ‑ɔ 'de 'le dɛ ꞊de ‑wɛ, ꞊hapʋdɛ ꞊nʋ, ‑nɩɩ ‑hʋa ‑bo nu ꞊nʋ 'mʋ, ʋ 'nɩ 'ye ꞊le.
10 'Mɛ ‑ye, 'n di ‑mʋ pie ‑cɔhlʋn, 'mʋ ‑mʋ 'wio ‑nyi, 'ke 'le ‑wla a bubre 'kwli 'mʋ.
'Ya 'o lele 'lu, ‑tɔplɩ 'bii ꞊nʋ, 'n po 'le ‑mʋ, 'n di 'nɩ nu.
‑Mɔ Kʋkɔnyɔɔ ‑do, ‑mɔ ‑kɔ ‑wɔn waalɛɛ 'le 'mʋ ‑hɔn.
11 ‑Tɛ ɔ po 'klɛɛ lɛ, ‑ye Kʋkɔnyɔ le ‑hrin.
e a ‑gbɛ nɩ, 'ke bɛ ‑wla Jona, 'ke 'o 'yru nʋa 'mʋ, ‑hrin.
e 'ɛ ꞊tuo 'o.