“Am Tayta Diosllätamá alawaśhayqui.

Masqui yaꞌawan piñacüśha cayalpis

piñacuyniqui pasacunñamá.

Śhunꞌullätapis achicyaycachimanquimá.

2 Am Tayta Diosllämá salbaycamaní canqui.

Anman chalapaculmi imactapis mana manchacuná canchu.

Am Tayta Diosnïmácallpanchaycamäní canqui;

alawaycunäca amllamá canqui.

Am,

salbaycamänimari canqui” nil.^a

3 Má,

amcunapis salbasyunta talichï pucyunu cäcäpi

cushishallañamá yacucta upyapäcunquiman.

4 Chay muyunćhümari nipäcunqui:

“¡Tayta Diosta alawapäcuy!

¡Payta altuman julupäcuy!

¡Lluy lulaśhancunacta nasyuncunäman willaculcay!

¡Sumä munayniyu pay caśhanta camalachipäcuy!

5 Sumä-sumä lulaycunacta lulaycuśhanpi

Tayta Diosta taquicunawan alawapäcuy.

Jinantin pachäćhu yaćhaycuśhä cachun.^b

6 Israelpa Chuya Tayta Diosnin amcunap

ćhawpiquićhu sumä munayniyümá cayan.

Chaymi Sionćhu yaćhäcuna cushicuypi apalishtin alawapäcunayqui” nil.