Cay libructa sasirdüti, willacü Jeremiasmi isquirbichila. Awari, yanapänin Baructam willapäla isquirbinanpä. Jeremiasꞌa Tayta Diospa willacüninmi cala. Paymi cawsala Juda läducunaca camacalpunan watacunaćhu, süta paćhac (600) wata manalä Jesus näsimuptin. Paymi willacula juchaculcäśhan-laycu, taytachacunacta alawapäcuśhan-laycu sumä mućhuchicuy nasyunninman śhamunanpïta. Jeremias licalam Jerusalen malcacta ćhïnicünincuna cunćhalapäcuśhanta; licalatacmi Jerusalen malca llallisha caśhantapis. Licalam Jerusalen malca, chaynütac alawana wasipis pampaman muyüchisha caśhantapis. Chaynütacmi mandacücäwan nunacunaca prïsu puśhaśha caśhantapis licala. Payꞌa suyñuyninćhünümi licala Jerusalen malca, Juda lädu nunacunaca cutimul śhalcachipäcuśhanta.