śhalcachïcunaca yanꞌal-yanꞌalmá lulapäcunꞌa.

Sïchuśh malcacta Tayta Dios mana licaycuptinꞌa

täpäcunaca yanꞌal-yanꞌalmá täpapäcunꞌa.

2 Yanꞌalpämá wäla-wälapi śhalcuśhayquipis,

aspilpuycama lulaśhayquipis.

Yanꞌalpämá sumä ñacaywan talilcul micuśhayquipis.

Tayta Diosmari cuyaśhancunacta jawcacta puñuycachin.

3 Chulinchiccuna Tayta Diospa umäśhanchic tücäninchicmi.

Näsimü chulinchiccuna rigälu uycamäśhanchicmi.

4 Müsu cayninchicćhülä näsi chulinchiccuna

alli-cama pilyäcunap maquinćhu flïchacunänümá cayalcan.

5 Caynu achca flïchayu cäcunäpä sumä cushicuymá.

Ćhïnicünincunawan lïtunacul

cäraycücäpa ñawpäninćhüpis manamá

uyshulächishachu canꞌa.