¿imanuyćha cachwan cala?

Jinantin Israel caynütari nipäcuy:

2 Tayta Dios yaꞌanchicwan mana captinꞌa

lluy-lluy nunacunaca cuntranchic śhalcutityalculćha,

3 cawsayäta millpacalpamachwan cala.

Yaꞌanchicwan sumä-sumä piñacüśhamá malluypa-mallul śhalcutityälälila.

4 Yacucuna punlüśhannümá,

mayuca apacuśhannümá camacaycämachwan cala.

5 Sumä-sumä yacuca chincachishannüćha chincächimachwan cala.

6 Canan má,

Tayta Dios alawäśha cachun.

Ćhïnimäninchiccuna quiluncunawan jäćhisha cananchicpïta libraycamäśhanchicpïta alawäśha cachun.

7 Ulpay chaläpa trampanpïnümá lluptïlunchic.

Trampan laćhyäluptinmá ayïlunchic.

8 Tayta Diospa śhutinmá yanapaycamäninchic.

Awari,

cay allpätapis janay pachätapis lulä Tayta Diosmá yanapaycamäninchic.^a