“Tayta Diospa wasinman acu lishun” nipämaptin.

2 Jerusalen malca,

ćhaquïcuna puncuyquićhüñamá cayalcan.

3 Jerusalen malca,

sumä śhalcächishamá cayanqui,

juc-yupayllaćhümá cayanqui.

4 Chaymanmá Israel ayllucuna lipäcun alawapäcunanpä.

Chayćhümá camachicuyta ćhasquishanmannu

Tayta Diospa śhutinta alawapäcun.

5 Chayćhümá tincüninman licaycunanpä

mandacücäpa dispächun cayan.

Chayćhümá Davidpa ayllunpi mandacücunaca

licaycunanpä täcunan cayan.

6 Jerusalen jawca allin caycunanpä caynu mañacuśhun:

“Cuyaśhüniquicunaca allinlla cawsaycälichun.

7 Murälläśha malcayquip lulïninćhu

jawcayay caycuchun.

Palasyuyquicunaćhu jawca allinlla caycuchun” nil.

8 Malcamasïcunacta śhunꞌüman tincuśhan nunacunäta cuyaśhä-laycumá:

“Amćhu,

jawca cawsay caycuchun” niycú.

9 Tayta Diosninchicpäwasinta

cuyaynïwanmá allinniquita ashiycuśhä.