“Cay allï lädulläman taycaycamuy

ćhïnishüniquicuna uyshuycälishunayquipä

maquiquiman ćhulaycamunäcama”^a nil.

2 Sionpïtam Tayta Dios munayta uycul

mandanayquipä bärayquita uycuśhunqui:

“Ćhïnicüniquicunap ćhawpinćhuꞌari maquiquićhu caycachiy” nil.

3 Pilyanayqui muyunćhümá nunayquicuna,

quiquillancunapi listu pilyä śhapämunꞌa.

Amꞌa sumä cayniquiwan juntäśhamá yalunqui.

Chaymi achicyaycäpa śhunꞌunpïta śhullinu walan-walan callpayqui cutimunꞌa.

4 Tayta Diosꞌa limalicuśhanta ipaman manamá cutichinꞌachu:

“Melquisedecnümi wiña-wiñaypä sasirdüti am canqui” nil nishanta.^b

5 Munayniyu Taytam allïniqui lädućhu cayan.

Piñacuynin muyuncäćhümá mandacücunäta camacaycülunꞌa.

6 Lluy nasyuncunätamá cäraycunꞌa,

ayacunätamá^c juntuycunꞌa,

jinantin allpäćhu puydïcunätamá camacaycülunꞌa.

7 Chay caminu lishancäćhu pucyupi yacucta

upyaptinmá callpan licaliycamunꞌa.