alawaycuśhayqui;

tincüninman licaycü

caśhayquipïtamá taquipaycuśhayqui.

Am Tayta Diosllätamá taquicunawan alawaycuśhayqui.

2 Allinninpa puliycuytam muná,

¿imayñatá yaꞌaman śhamunqui?

Wasïćhu allin cawsayllaćhümi cawsaycú.

3 Mana allincunämanꞌa ñawí manamá licalcunꞌachu.

Allincäpi laquicaculcul luläcunätá ćhïnicümi.

Chaycuna manamá jucllanpis aśhuycamumanꞌachu.

4 Mana allin pinsaycunacta manamá yalpayllapis yalpalcuśhächu.

Imaymana mana allincunactapis manamá licalcuśhächu.

5 Pacallap nuna-masinta tumpäcunätá upällächishämá.

Jatunchacücunäta,

nunatucücunäta manamá awantaycuśhächu.

6 Yaꞌawan cawsananpä jinantin allpäćhu

chalapacuna nunacunactamá ashiycuśhä.

Allinpä cawsäcunämá sirbimanꞌa.

7 Ingañacücunaca wasïćhu manamá yaćhaycunmanchu.

Artishcunaca ñawpänïćhu manamá tacyaycunmanchu.

8 Jinantin allpäćhu mana allin nunacunäta

muyun-muyunmá upällachishä.

Mana allin luläcunätá Tayta Diospa malcanpïtamá lluy wicapäśhä.