2 “Job,

¿allintachun niyanqui:

‘Tayta Diospïpis mas chuyam cayá’ nishayquiwan imamá?

3 Am niyanquitacmari:

‘¿Mana juchayu caśhäca ima allinmá?

¿Imallactá juluśhätan mana juchayu caśhäpïta?’

nil.^a

4 “Yaꞌañatacmi amtawan lluy

apanacuśhayquicunäta niycälishayqui.

5 Má,

sïlüta licalcul sumäta tantiaycuy;

pucutaycunaca ampïpis mas altu-altućhu caśhantari licaycuy.

6 Chayurá ¿juchacülul imaćhümá Tayta Diosta imanaycunquipis?

Mana allin lulayniquicuna alli-allimanña milacuyaptinpis,

¿imaćhümá payta mana allinta lulaycuyanqui?

7 Allincäta lulayculpis ¿imallaćhümá payta yanapaycuyanqui?

¿Imallactá ampïta ćhasquiycuyanmá?

8 Mana allin lulaśhayquipis nuna-masillayquip mana allinllanpämari;

allin lulaśhayquipis nuna-masiquip allinllanpätacmá.^b

9 “Nunacunaca anchap ñacayćhu cacuyalcalꞌa ayaycaćhapäcunmi;

munayniyu nunacunaca libraycunanpämari ruygaculcan.

10 Ñatac Tayta Diostá manamá mayanpis yalpalcunchu;

camamäninchic tutacunapapis callpanchamäninchiccätá

manamari mayanpis yalpalcunchu.

11 Uywacunäpïpis mas yaćhayniyütalä lulamäninchictá,

pälïcunäpïpis mas tantiayniyütalä camamäninchictá

manamari pillapis yalpalcunchu.

12 Juchasapa nunatucüśha ñacachishancunaca

maynu-maynu juccunacta ruygaculcaptinpis,

Tayta Diosꞌa manamá uyaliycunchu.

13 Awari,

caynu yanꞌal äśhaycaćhacuynincunacta

Tayta Diosꞌa manamari uyaliycunchu;

nïtac sumä munayniyüca licayllapis licaycunchu.

14 Chaychun amtalä uyaliycuśhunquiman,

caynu niyaptiqui:

‘Tayta Diosta manam licayta atipächu.

Ñatac paypa maquinćhu licaycamänan cayaptinmá payta alcaycuná.

15 Jinaman Tayta Diosꞌa manam piñacunchu nï mućhuchinchu.

Mana allincunäpïpis manamá imapis ucunchu’ nil niyaptiquilä canpis.

16 Chayurá Job,

am shimiqui chalaśhallantamá

yanꞌal äśhaycaćhayanqui;

ancha-anchap limayalpis mana pasätamá limayanqui” nil.