Nehemiasmi puydïcunacta ćhulan
7
Muralläta ishpilcachil puncuncunactapis lluy ćhulaycachilmi puncu täpäcunacta,
taquïcunacta,
yanapä levitacunactapis ćhulayculá.
2 Wawꞌicaśhá Hananïtama Jerusalenćhu puydï cananpä ćhulalá.
Chaynütacmi Hananiastapis ćhulalá mandacücäpa palasyunćhu puydï cananpä.
Paypis masïsu chalapacümi cala;
jinaman juccunäpïtapis mastalämi Tayta Diosta manchacü cala.
3 Ishcaynintam nilá:
“Intica altućhüña cayaptinñam Jerusalenpa puncunta quićhapäcunqui.
Tardinpañatacmi täpäcunaca cayalcaptinlä puncucta wićhaycul bärancunacta ćhulapäcunqui.
Chaynütac Jerusalenćhu cäcunaca tücachinacuypam täpapäcunꞌa:
waquincunam täpanapä cäcunäćhu,
partiñatac wasincunap sircallanćhu” nil.
4 Chay malcaca jatun cayaptinpis wasicunaca manalä śhalcachisha captinmari ashlla yaćhäcuna capäcula.
Prïsu puśhaśha cäcunäpi cutimücunaca
5 Chayćhümi śhunꞌüman Tayta Dios ćhulaycaman jinantin malcäta,
allin yaśhancunacta,
puydïnincunacta juntuycachil ayllunpa-cama sinsachinäpä.
Chayćhümi Juda lädu punta cutimücunäpa śhutincuna isquirbïsha cayäta talïlú.
6-7 Paycunam mandacü Nabucodonosor Babiloniaman prïsu puśhachishanpi puntacta cutipämuña,
Jerusalenćhu,
Judaćhu cä malcanman-cama cay puydïnincunawan:
Zorobabel,
Jesua,
Nehemias,
Azarias,
Raamias,
Nahamani,
Mardoqueo,
Bilsan,
Misperet,
Bigvai,
Nehum,
Baanawanpis.
Chay cutichimuśhan Israel läducunäñatacmi capäcula:
8 Parospa milayninpïta ishcay walanga paćhac anćhish ćhunca ishcayniyu (2,172),
9 Sefatiaspa milayninpïñatac quimsa paćhac anćhish ćhunca ishcayniyu (372),
10 Arapa milayninpïñatac süta paćhac picha ćhunca ishcayniyu (652),
11 Jesuap,
Joabpa milaynin Pahat-moabpïñatac ishcay walanga pusä paćhac ćhunca pusäniyu (2,818),
12 Elampïñatac walanga ishcay paćhac picha ćhunca tawayu (1,254),
13 Zatupïñatac pusä paćhac tawa ćhunca pichayu (845),
14 Zacaipïñatac anćhish paćhac süta ćhunca (760),
15 Binuipïñatac süta paćhac tawa ćhunca pusäniyu (648),
16 Bebaipïñatac süta paćhac ishcay ćhunca pusäniyu (628),
17 Azgadpïñatac ishcay walanga quimsa paćhac ishcay ćhunca ishcayniyu (2,322),
18 Adonicampïñatac süta paćhac süta ćhunca anćhishniyu (667),
19 Bigvaipïñatac ishcay walanga süta ćhunca anćhishniyu (2,067),
20 Adinpïñatac süta paćhac picha ćhunca pichayu (655),
21 Ezequiaspa milaynin Aterpïñatac isun ćhunca pusäniyu (98),
22 Hasum ayllupïñatac quimsa paćhac ishcay ćhunca pusäniyu (328),
23 Bezai ayllupïñatac quimsa paćhac ishcay ćhunca tawayu (324),
24 Harif ayllupïñatac paćhac ćhunca ishcayniyu (112),
25 Gabaonpïñatac isun ćhunca pichayu (95).
26 Belenwan Netofa malcacunäpïñatacmi paćhac pusä ćhunca pusäniyu (188).
27 Anatot malcapïñatacmi paćhac ishcay ćhunca pusäniyu (128),
28 Bet-azmavet malcapïñatac tawa ćhunca ishcayniyu (42),
29 Quiriat-jearim,
Cafira,
Beerot malcacunapïñatac anćhish paćhac tawa ćhunca quimsayu (743),
30 Ramawan Geba malcacunapïñatac süta paćhac ishcay ćhunca jucniyu (621),
31 Micmas malcapïñatac paćhac ishcay ćhunca ishcayniyu (122),
32 Bet-elwan Hai malcacunapïñatac paćhac ishcay ćhunca quimsayu (123),
33 jucnin Nebo malcapïñatac picha ćhunca ishcayniyu (52),
34 jucnin Elam malcapïñatac walanga ishcay paćhac picha ćhunca tawayu (1,254),
35 Harim malcapïñatac quimsa paćhac ishcay ćhuncayu (320),
36 Jerico malcapïñatac quimsa paćhac tawa ćhunca pichayu (345),
37 Lod,
Hadid,
Ono malcacunapïñatac anćhish paćhac ishcay ćhunca jucniyu (721),
38 Senaa malcapïñatac quimsa walanga isun paćhac quimsa ćhuncayu (3,930).
39 Sasirdüticunäpïñatacmi cala:
Jesuap milaynin Jedaiapa milayninpi isun paćhac anćhish ćhunca quimsayu (973),
40 Imerpa milayninpïñatac walanga picha ćhunca ishcayniyu (1,052),
41 Pasurpïñatac walanga ishcay paćhac tawa ćhunca anćhishniyu (1,247),
42 Harimpapïñatac walanga ćhunca anćhishniyu (1,017).
43 Levitacunäpïñatacmi cala:
Hodaviaspa milaynin Jesuap,
Cadmielpa milaynincunapïñatacmi anćhish ćhunca tawayu (74).
44 Taquïcunäpïñatacmi:
Asafpa milayninpïta paćhac tawa ćhunca pusäniyu (148) cala.
45 Puncucunacta täpäcunäpïñatacmi:
Salumpa,
Aterpa,
Talmonpa,
Acubpa,
Hatitapa,
Sobaipa milaynincunapi paćhac quimsa ćhunca pusäniyu (138) capäcula.
46 Tayta Diospa alawana wasinćhu sirbï cäcunäpi cutimücunäñatacmi capäcula:
Zihapa,
Hasufapa,
Tabaotpa,
47 Querospa,
Siahapa,
Padonpa,
48 Lebanapa,
Hagabapa Salmaipa,
49 Hananpa,
Gidelpa,
Gaharpa,
50 Reaiapa,
Rezinpa,
Necodapa,
51 Gazampa,
Uzapa,
Paseahpa,
52 Besaipa,
Mehunimpa,
Nefisesimpa,
53 Bacbucpa,
Hacufapa,
Harhurpa,
54 Bazlutpa,
Mehidapa,
Harsapa,
55 Barcospa,
Sisarapa,
Temapa,
56 Neziapa,
Hatifapa milaynincuna.
57 Salomonpa uywaynincunap milaynincunapïñatacmi:
Sotaipa,
Soferetpa,
Peridap,
58 Jaalapa,
Darconpa,
Gidelpa,
59 Sefatiaspa,
Hatilpa,
Poqueret-hazebaimpa,
Amonpa milaynincuna capäcula.
60 Alawana wasićhu sirbïcunäwan Salomonpa sirbïnincunapïta quimsa paćhac isun ćhunca ishcayniyümi (392) capäcula.
61 Tel-mela,
Tel-harsa,
Querub,
Adon,
Imer malcacunapïta cutimücunäñatacmi Israel lädu ütac juc caśhta capäcuśhantapis camalachiyta imanuypapis mana atipapäculachu.
Paycunamari capäcula:
62 Delaiapa,
Tobiaspa,
Necodapa milaynincunapïta süta paćhac tawa ćhunca ishcayniyu (642).
63 Sasirdüti ayllupi cutimücunäñatacmi capäcula:
Habaiapa,
Cospa,
Barzilaipa milaynincuna.
Cay Barzilai suydrunpa śhutintam ćhulacüla.
Paymari Galaadpïta cä Barzilaipa wamla chulinwan cuscäla.
64 Lluy paycunam ayllunćhu śhutincuna ćhulaśha caśhanta ashipäcul mana talipäculachu.
Chaymi sasirdüti caynincunapïta lluy julüśha capäcula.
65 Jinaman malcap puydï yanapäninpis nilam:
“Imanuy capäcunayquipäpis sasirdütica Urim Tumimwan yaćhaycunancama japächaśha chuya micuycunacta amalämi micapäcunquichu” nil.b
66 Chaynu lluy cutimücunämi tawa ćhunca ishcayniyu walanga quimsa paćhac süta ćhunca (42,360) capäcula.
67 Paycunawan cusca uyway nunancunacá walmipis wayapapis manamá fintaśhachu cala.
Paycuná anćhish walanga quimsa paćhac quimsa ćhunca anćhishniyümi (7,337) capäcula;
taquïnincunapis ishcay paćhac tawa ćhunca pichayümi (245) walmicunawan wayapacuna capäcula.
68 Cawalluncunapis anćhish paćhac quimsa ćhunca sütayümi (736) cala,
mulapis ishcay paćhac tawa ćhunca pichayu (245),
69 camïlluncunapis tawa paćhac quimsa ćhunca pichayu (435),
aśhnuncunapis süta walanga anćhish paćhac ishcay ćhuncayümi (6,720) cala.
70 Waquin ayllucunap puydïnincunamari chay lulaycunaca śhalcachisha cananpä uycapäcula.
Malcap puydïninpis pusä quïlu üructa,
picha ćhunca (50) tasuncunacta,
sasirdüticunäpä picha paćhac quimsa ćhunca (530) müdanacunactam upäcula.
71 Ayllucunap puydïnincunañatacmi paćhac süta ćhunca (160) quïlu üructawan juc walanga ishcay paćhac (1,200) quïlu illayta upäcula.
72 Lluy malcäñatacmi paćhac süta ćhunca (160) quïlu üructawan walanga paćhac (1,100) quïlu illayta,
jinaman sasirdüti müdanacta süta ćhunca anćhishniyüta (67) upäcula.
73 Lluy sasirdüticunäpis,
levitacunäpis,
puncu täpäcunäpis,
taquïcunäpis,
malcantin nunacunäpis,
alawana wasićhu sirbïcunäpis,
chaynütac jinantin Israel läducunäpis malcanćhu-camam yaćhayta allaycapäcula.c
Anćhish quillaca ćhämunanpäñatacmi Israel läducunaca malcanćhu-camaña yaćhayalcäla.d