Davidpa milaynincuna
3
Davidpa chulincuna Hebron lädućhu näsïcunaca caycunam:
Mayur chulinmi Amnon cala;
payꞌa Jezreel lädu walmin Ahinoampa wawinmi.
Ishcaycäñatacmi Daniel;
payꞌa Carmel lädu walmin Abigailpa wawinmi.
2 Quimsäñatacmi Absalon;
payꞌa Gesur malcap mandacünin Talmaipa walmi chulin Maacap wawinmi.
Tawäñatacmi Adonias;
payꞌa Haguitpa wawinmi.
3 Pichäñatacmi Sefatias;
payꞌa Abitalpa wawinmi.
Sütäñatacmi Itream;
payꞌa jucnin walmin Egla nishanpa wawinmi.
4 Chay süta chulincunamari Hebronćhu näsipäcula,
anćhish wata süta quilla David mandacuyaptin.
Chaypïtam Jerusalen malcapi mandacula quimsa ćhunca quimsayu (33) watacunalä.a
5 Chayćhu näsï tawa chulincunam cala:
Simea,
Sobab,
Natan,
Salomonpis;
paycunamari Amielpa chulin Bet-suapb wawincuna.
6 Jinaman isun masmi chulincuna cala:
Ibhar,
Elisama,
Elifelet,
7 Noga,
Nefeg,
Jafia,
8 Elisama,
Eliada,
Elifeletpis.
9 Lluy paycunamari Davidpa chulincuna capäcula.
Paycunap paninmi Tamar cala.
Ñatac uywanacuśhan walmincunaćhu cä chulincuná manamá fintaśhachu capäcula.
Salomonpa milaynincuna
10 Salomonpa chulinmi Roboam,
Roboampañatac Abias,
Abiaspañatac Asa,
Asapañatac Josafat,
11 Josafatpañatac Joram,
Jorampañatac Ocozias,
Ocoziaspañatac Joas,
12 Joaspañatac Amasias,
Amasiaspañatac Azarias,
Azariaspañatac Jotam,
13 Jotampañatac Acaz,
Acazpañatac Ezequias,
Ezequiaspañatac Manases,
14 Manasespañatac Amon,
Amonpañatac Josias.
15 Josiaspa chulincunañatacmi:
wamä chulin Johanan,
atimünincunañatac Joacim,
Sedequias,
Salumpis.
16 Joacimpa chulincunañatacmi Jeconiaswan Sedequias.
17 Prïsu puśhaśha cä Jeconiaspa chulincunañatacmi:
Salatiel,
18 Malquiram,
Pedaias,
Senazar,
Jecamias,
Hosama,
Nedabiaspis.
19 Pedaiaspa chulincunañatacmi Zorobabelwan Simei.
Zorobabelpa chulincunañatacmi:
Mesulam,
Hananias,
jinaman wamla chulin Selomitpis.
20 Chaynütacmi Zorobabelpa picha mas chulincuna cala:
Hasuba,
Ohel,
Berequias,
Hasadias,
Jusab-hesedpis.
21 Hananiaspa chulincunañatacmi Pelatiaswan Jesaias.
Jesaiaspa chulincunañatacmi:
Refaias,
Arnan,
Abdias,
Secaniaspis.
22 Secaniaspad chulinñatacmi Semaias.
Semaiaspa chulincunañatacmi:
Hatus,
Igal,
Barias,
Nearias,
Safatpis.
Semaiaswanꞌa lluy sütam capäcula.c
23 Neariaspa chulincunañatacmi quimsa:
Elioenai,
Ezequias,
Azricampis.
24 Elioenaip chulincunañatacmi anćhish:
Hodovias,
Eliasib,
Pelaias,
Acub,
Johanan,
Dalaias,
Ananipis.