2 Jafetpa milaynincunañatacmi:

Gomer,

Magog,

Madai,

Javan,

Tubal,

Mesec,

Tiraspis.

3 Gomerpa milaynincunañatacmi:

Askenaz,

Rifat,

Togarmapis.

4 Javanpa milaynincunañatacmi:

Elisa,

Tarsis,

Quitim,

Dodanimpis.

5 Lluy paycunam lamar patanćhu malca-malca ayllunpi-cama,

limayninpi-cama yaćhapäcula.

6 Campa milaynincunañatacmi:

Cus,

Mizraim,

Fut,

Canaanpis.

7 Cuspa milaynincunañatacmi:

Seba,

Havila,

Sabta,

Raama,

Sabtecapis.

Raamap milaynincunañatacmi Sebawan Dedan.

8 Cuspa milayninmari Nimrodpis cala;

paymi jinantin pachäćhu sumä munayniyu licalïla.

9 Paymi Tayta Diospa munayninwan munti chucaru uywacunactapis sumä chalä caculläla.

Chaypïmi śhamun:

“Tayta Diospa munayninwanmi Nimrod munti chucaru uywacunactapis sumä chalan” nil limayca.

10 Paypa mandunninćhümi:

Babel,

Erec,

Acad,

Calne nishan malcacunaca cala.

Caycuna Sinarpa malcancunam capäcula.

11 Chay lädupïtam Asiria läduman Nimrod yalupäcula.

Chay lädućhümi śhalcachipäcula:

Ninive,

Rehobot,

Cala nishan malcacunäta.

12 Śhalcachilatacmi Resen nishan sumä jatu-jatun malcactapis.

Cay malcam Ninivep Cala nishan malcap ćhawpinćhu cayäla.

13-14 Mizraimpa milaynincunañatacmi:

Lud,

Anam,

Lehab,

Naftuh,

Patrus,

Caftor,

Casluhim caśhtacunaca capäcula.

Cay Casluhimwan Patrus caśhtapïmi Filisteo Caftor läducunaca śhalcapäcula.

15 Canaan nishanpa wamä chulinmi Sidon cala,

atimüninñatacmi Het.

16 Cay Canaanpïmi śhalcapäcula:

Jebus,

Amhor,

Gerges,

17 Hev,

Araz,

Sin,

18 Arvad,

Zemar,

Hamat läducunaca.

Chaypïtam cay ayllucunaca wicta cayta lluy chiꞌilälila.

19 Canaan läducunap culindanmi cala:

Sidon malcapïta,

Gerar lädunpa aśhta Gaza malcäcama,

juc lädunpïtañatacmi aśhta Sodoma,

Gomorra,

Adma malcäcama,

Zeboim lädupiꞌa Lasa malcäcamam.

20 Paycunam Cam nishanpa milaynincuna capäcula;

ayllu-ayllumari malcanćhu-cama yaćhapäcula;

limayninta-camam limapäculapis.

21 Ñatac Sempa śhullcan Jafetmi cala.

Cay Sempa milaynincunam Heberpa lluy chulincuna cala.

22 Sempa milaynincunañatacmi:

Elam,

Asur,

Arfaxad,

Lud,

Arampis.

23 Arampa chulincunañatacmi:

Uz,

Hul,

Geter,

Mas nishanpis.

24 Arfaxadpa milayninñatacmi Sala,

Salapñatacmi Heber.

25 Heberpañatacmi ishcay chulincuna cala;

chay timpu allpacta laquinaculcäśhanpïtam wamäcäta śhutichäla “Peleg”^a nïta;

wawꞌi-caśhantañatacmi śhutichäla “Joctan” nïta.

26 Joctanpa milaynincunañatacmi:

Almodad,

Selef,

Hazar-mavet,

Jera,

27 Adoram,

Uzal,

Dicla,

28 Obal,

Abimael,

Seba,

29 Ofir,

Havila,

Jobabpis.

30 Paycunap yaćhapäcuśhanmi cala Mesa lädupi inti ishpimunan Sefar nishan ulꞌucama.

31 Paycunam Sempa milaynincuna capäcula;

ayllu-ayllumari malcanćhu-cama yaćhapäcula;

limayninta-camam limapäculapis.

32 Lluy paycunamari Noepa milaynincuna malcanćhu-cama,

ayllunpa-cama limayniyü-cama capäcula.

Chay barcupi Noe quimsa chulinwan yalamuśhancällapïmi jinantin pachäman lluy milälälila.