Cay libructa Moisesmi isquirbila. Genesis ninanꞌa “allaycuynin” ninanmi. Cay librućhu willamanchic Tayta Dios lluy-lluy cäcunäta aśhta nunätapis camaśhantam. Chaynütac nunaca mana allincäta lulaśhanta, jinaman Tayta Dios imanuypa chay mana allinninta allinman muyuycachishantapis willamanchicmi.

Chaynütac nunacunaca imanuypa masta-masta mana allincäman ćhäpäcuptinmi Tayta Diospa munaśhanmannu cawsä Noellactaña lluy aylluntinta salbaycula.

Chaypïtapis nunacunaca caśhantacmi mana allincäta lulayta jicutapäcula. Chaypïtam Tayta Dios aclaycula Abramtawan walmin Saracta. Paycunamanmi limalicula allpa tücaninta uycunanpä, jinaman paypa chulin Isaacpa, willcan Jacobpa lluy nunacunäta allinpä licaycunanpäpis limalicula.