Israel castakuna,

Sion Moqopi mamaykichik llaqtata

yanqa wischusqaytaqa ama piensaychikchu.

Israel castakuna,

pitapas debekusqaymanta hina

yanqa rantikusqaytaqa ama piensaychikchu.

Mana allinkuna rurasqaykichikraykum

rantikusqa karqankichik.

Mana kasukuq kasqaykichikraykum

wischusqa karqa mamaykichik.

2 ¿Imanasqataq hamuptiyqa mana pipas kanchu?

¿Imanasqataq qayaptiyqa mana pipas contestawanchu?

¿Mana atiyniyoqchu kani libranaypaq?

¿Icha manachum kallpayoq kani salvanaypaq?

Kamachispallaymi lamar qochata chakichini.

Kamachispallaymi mayukunata chunnichini.

Challwankunapas yakumantam wañurunku.

Challwankunapas yakumantam lliw ismurunku.

3 Cielokunatam pachachichkaq hina

tutayaywan churachini.

Cielokunatam luto pachawan hina

tutayachini.

Sapa tutamantam rikchachiwan uyarinaypaq.

Rinriypim uyarichiwan yachaq sonqoyoq kanaypaq.

5 Señor Diosmi rinriyta kichariwan

kasukuq kanaypaq.

Rinriytamá kicharin

mana qepaman kutinaypaq.

6 Wasaytam qorqani azoteqkunaman.

Uyaytam qorqani barbay chutaqkunaman.

Manam uyayta asurichirqanichu insultawaqniykunamanta.

Manam uyayta asurichirqanichu toqawaqniykunamanta.

7 Señor Diosmi yanapawaqniyqa.

Chaymi mana manchachiwanchu humillachiqniyqa.

Chaymi qaqa hina ñoqaqa sayani.

Chaymi mana penqachisqa kanayta yachani.

8 Hichpallaypim kachkan

mana huchayoqña kasqay declaraqniyqa.

¿Maypitaq kachkan

ñoqawan churanakuy atiqqa?

Chaynaqa kuskanchikyá risunchik juezman.

¿Pitaq acusawananpaq hinaqa kanman?

Hamuspanyá qayllaypi niwachun ñoqaman.

9 Señor Diosmi yanapawaqniyqa.

¿Pitaqsi kanman huchayoq kasqay declaraqniyqa?

Llapallankum mawkayasqa pacha hina chinkanqaku.

Llapallankum puyusqa pacha hina chinkanqaku.

10 Tayta Diosllata respetaqkuna,

serviqninpa willakusqan uyariqkuna,

tutayaypi purispaqa,

manaña achkiypi purispaqa

confiakuychik Tayta Diosllapi.

Amparakuychik Diosllaykichikpi.

11 Ninata llapallan ratachiqkuna,

ninayoq flechakunata llapallan ratachiqkuna,

qamkunaqa puriychik

nina ratachisqaykichikpa achkiyninpiyá.

Qamkunaqa puriychik ninayoq flechakuna ratachisqaykichikpa achkiyninpiyá.

Ñoqa Diospa parteymantam kayta chaskinkichik.

Ñakariy sitiopim wischurayankichik.