Dios Taytalláy,

graciastam qoyki,

contraypi piñakuruchkaspaykipas

rabiakuynikitam ñoqamanta asuriykachinki.

Kunanqa qanmi consuelaykullawanki.

2 Qam Tayta Diosmi kanki salvaqniyqa.

Qamllapim confiakuni ñoqallayqa.

Manañam manchakusaqchu ñoqallayqa.

Amparaqniyqa kanki qam Tayta Diosllam.

Takinaypaqpas kanki qam Tayta Diosllam.

Payllamá ñoqallay salvaqniyqa.

3 Qamkunam kusikuyllawanña yakuta horqonkichik.

Salvasunaynichikpaqmi pukyumanta yakuta horqonkichik.

4 Chay punchawmi ninkichik:

Tayta Diosmanyá graciasta qoychik.

Tayta Diostayá mañakuychik.

Tukuy rurasqanmantayá

nacionkunaman willakuychik.

Payqa tukuy imapa hawanpi kasqanmantayá

nacionkunaman yuyarichiychik.

5 Admirakuypaq rurasqanmantayá

Tayta Diosman takiychik.

Enteron kay pachapiyá

chay rurasqanta reqsichiychik.

6 Sion Moqopi yachaqkuna,

kusikuymanta qapariychik.

Israelpa Chuya Diosnin

hatun kasqanrayku qapariychik.

Israelpa Chuya Diosnin

qamkuna ukupi kasqanrayku qapariychik.