- 6 -
23
Munaychakuq runawan
mikunaykipaq tiyaspaykiqa
qawarikuyá pipa qayllanpim
tiyasqaykita.
2 Mikuysapa kasqaykitam aguantankipuni.
Mana chayqa cuchillowanyá
wañurachikuypuni.
3 Ama munapayaychu
mesanpi miski mikuyninkunataqa.
Engañollam kanman
chay mikuyninkunaqa.
- 7 -
4 Amayá apuyaruyllapiqa afanakuychu.
Entiendespayá amaña afanakuychu.
5 Qawarikuptikiqa manañam
kanqachu qori-qollqeqa.
Anka hina rikuriruspam
pawakunqa qori-qollqeqa.
Cieloman anka pawachkaq hinam
pawakunqa qori-qollqeqa.
- 8 -
6 Maqlla runawanqa ama mikuychu.
Amataq miski mikuynintapas munapayaychu.
7 Chay mikuypa precionpi tanteaspanmi
payqa nisunki:
“Mikuy,
tomay” nispa aswanqa
manam allin sonqowanchu nisunki.
8 Aslla mikusqaykitapas vomitarunkim.
Miskillaña rimasqaykimantapas pesakurunkim.
- 9 -
9 Ama allinninpaq rimapayaychu
sonso runataqa.
Payqa desprecianqam
tanteowan rimapayasqaykitaqa.
- 10 -
10 Amayá asurichiychu
ñawpaqmantaraq churasqa linderokunataqa.
Amataqyá hapikuykuychu
mana tayta-mamayoqpa allpantaqa.
11 Paykunapaq reclamaq Diosqa
ancha atiyniyoqmi.
Qampa contraykipi paykunapa
asunton valechiqqa Diosmi.
- 11 -
12 Sonqoykipiyá hatalliy corregisusqaykitaqa.
Uyarispaykiyá kasukuy yachachisusqaykitaqa.
- 12 -
13 Warma corregiytaqa amayá recelaychu.
Payta azoteptikiqa manam wañurunqachu.
14 Paytam azotewan correginki
hinaspaqa wañunanmantam libranki.
- 13 -
15 Churilláy,
yachayniyoq kaptikiqa
sonqoymantam kusikusaq ñoqaqa.
16 Diospa munasqanman hina rimaptikiqa
tukuy sonqoywanmi kusikusaq ñoqaqa.
- 14 -
17 Huchallikuq runakunamantaqa
amayá envidiakuychu.
Sapa punchaw Tayta Dios respetaytaqa
amayá qonqaychu.
18 Chayna kaptinqa hamuq punchawnikikunam
allinlla kanqa.
Suyasqaykipas manataqmi
yanqapaqchu kanqa.
- 15 -
19 Churilláy,
sumaqta uyarispaykiyá
allin yachayniyoqña kakuy.
Diospa munasqanman hinayá
tukuy sonqoykiwan kawsakuy.
20 Tomakuq runakunawanqa
ama hukllawakuychu.
Llumpay aycha mikuqkunawanpas
amataq hukllawakuychu.
21 Wakchayanqam tomakuyllapi-mikukuyllapi
kakuq runakunaqa.
Puñunayachikuq kaspankum
lata pachawanña churakunqa paykunaqa.
- 16 -
22 Taytayki kasqanrayku
kasukuy taytaykita.
Mamayki payayaruptinqa
amataq despreciaychu payta.
23 Cheqaptawan yachaytaqa
rantichkaq hinayá armay.
Amayá chaykunataqa rantikuruychu.
Corregisqa kaytawan entiendeytaqa
rantichkaq hinayá armay.
Amayá chaykunataqa rantikuruychu.
24 Allin ruraq runapa taytanmi
payrayku anchata kusikun.
Allin yachayniyoqpa taytanmi
payrayku anchata kusikun.
25 Qamraykuyá tayta-mamayki kusikuchun.
Qamraykuyá wachakusuqniki kusikuchun.
- 17 -
26 Ñoqallapiyá tukuy sonqoykiwan
piensay churilláy.
Imaynam kawsasqaytayá qawariy
churilláy.
27 Uku-uku pozo hinam
pierdekuq warmiqa.
Kichki pozo hinataqmi
chuchumika warmiqa.
28 Suwa hinam
payqa wateqan runata.
Payqa pierderachinmi
achka runata.
- 18 -
29 ¿Pitaq:
“Ay,
ay” nispa nin?
¿Pitaq:
“Nanawanmi” nispa nin?
¿Pitaq atipanakuypi purin?
¿Pitaq quejanakuypi purin?
¿Pitaq mana imamanta maqachikun?
¿Pitaq anta-antallataña qawakun?
30 Chayna ruraqkunaqa
vino upyaypi demoraqkunam.
Chayna ruraqkunaqa
preparasqa vino maskaqkunam.
31 Ama munapayaychu vinotaqa pukayariptin.
Ama munapayaychu copapi kanchariptin.
Ama munapayaychu
llampullaña millpusqa kaptin.
32 Qepatañam kachukuq culebra hina
kachurusunkiman.
Venenosapa culebra hinam
nanarachisunkiman.
33 Ñawikikunam hukmankunata
qawanqa.
Sonqoykimantam mana allin rimaykuna
lloqsimunqa.
34 Lamar qochapa chawpinpi
puñuchkaq hinam rikurirunki.
Buquepa hatun kaspinpa puntanpi
puñuchkaq hinam rikurirunki.
35 Mallaqyaruspañataqmi ninki:
“Maqawarqakum ichaqa
manam nanawanchu” nispa.
“Takawarqakum ichaqa
manam musyanichu” nispa.
Chaywanpas ninkiraqmi:
“Mallaqyaruspayqa yapatawanmi
vinota upyamusaq” nispa.