Babilonia law mayukunapa patanpi presokuna waqaspa takisqanku
137
Babilonia nacionpa
mayunkunapa patanpi
tiyaspam waqarqaniku.
Sion llaqtamanta
yuyarispaykum waqarqaniku.
2 Chaypi kaq wayaw sachakunapim
arpaykuta warkuykurqaniku.
3 Preso pusawaqniykum
takinaykupaq mañawaqku.
Sion llaqtapa takintayá
takiykapuwayku,
nispam niwaqku.
4 Tayta Diosman alabanayku takitaqa
¿imaynamá takiymanku
runakunapa llaqtanpiqa?
5 Jerusalen llaqtalláy,
qamta qonqaruptiyqa
alleq makillaypas
mana valeqñayá karuchun.
6 Qanmanta mana yuyariptiyqa
qallullaypas pasaypaqtayá
laqakuruchun.
Jerusalenrayku tukuymanta llalliqta
mana kusikuptiyqa qallullaypas
pasaypaqtayá laqakuruchun.
7 Dios Taytalláy,
amayá qonqaychu
Edompa mirayninkunataqa.
Jerusalen vencesqa
kasqan punchawpim
nirqaku paykunaqa:
¡Chay llaqtata taqmaychik!
nispa.
¡Cimientonkama taqmaychik!
nispa.
8 Babilonia llaqta,
tuñichisqam kanki qamqa.
¡Mayna kusisqam imam rurawasqaykikumanta
pagasuqniki runakunaqa!
9 ¡Mayna kusisqam churi-wawaykikunata
hapispa qaqa rumikunaman
chamqaparuq runakunaqa!