Runankunata Dios waqaychasqanmanta
Diosman asuykunapaq taki
125
Tayta Diospi confiakuqkunaqa
Sion Moqo hinam kanku.
Paykunaqa wiñaypaqmi
mana kuyuchisqa kanqaku.
2 Jerusalen llaqtapa muyuriqninpim
orqokuna kachkan.
Chaynam Tayta Diospas
runankunapa muyuriqninpi kachkan.
Kunanmanta wiñaykamam
chaynaqa kachkan.
3 Allin ruraqkunapa allpanpiqa
mana allin gobiernaqkunaqa
manam wiñaypaqchu gobiernanqaku.
Chayna kaptinqa
allin runakunam
mana allinkunaman qokurunmanku.
4 Dios Taytalláy,
qamqa allin runakunapaqyá
allinta ruray.
Qampa munasqaykiman hina
ruraqkunapaqyá allinta ruray.
5 Dios Taytalláy,
mana allin kawsay
munaqkunatayá castigay.
Mana allin ruraqkunatawan
kuskatayá castigay.
¡Israel casta runakunaqa
hawkayaypiyá kachun!