Israel castakunapa salvaqninqa Dioslla kasqanmanta
Diosman asuykunapaq Davidpa takisqan
124
Israel castakunayá nichunku:
Sichu Tayta Dios
mana favorninchikpi kaptinqa.
2 Sichu Tayta Dios
mana favorninchikpi kaptinqa
chaynataq runakunapas
contranchikpi hatarispanqa
3 kawsachkaqllatachiki piñakuruspa
millpuruwachwan karqa.
4 Yakukuna hinachiki
aparuwachwan karqa.
Mayu hinachiki
hawanchikta pasarunman karqa.
5 Lloqlla hinachiki
hawanchikta pasarunman karqa.
6 Tayta Diosqa alabasqayá kachun.
Payqa manam enemigonchikunaman
qoykuwarqanchikchu.
Kirunwan kachuparuwananchikpaqmi
mana qoykuwarqanchikchu.
7 Urpitu hapiqkunapa toqllanmanta
lluptichkaq hinam lluptirunchik.
Toqlla tipiruptin
lluptichkaq hinam lluptirunchik.
8 Yanapakuyqa hamullawanqa
Tayta Diosmantam,
cielokunapas,
allpa pachapas
unanchaqmantam.