Nacionninku allinyananpaq mañakusqanku
Diosman asuykunapaq taki
126
Jerusalen llaqtayoq presokunatam
Tayta Dios kutirachimurqa.
Chaymi mosqoypi hinaraq
tarikurqanchik ñoqanchikqa.
2 Chayraqmi miskillataña asikurqanchik.
Chayraqmi kusikuymanta takirqanchik.
Huklaw nacionniyoq runakunam nirqaku:
Tayta Diosmi paykunapaq
admirakuypaq kaqkunata rurarun,
nispanku.
3 Tayta Diosmi admirakuypaq kaqkunata
ñoqanchikpaq rurarqa.
Paypa rurasqankunamantam
kusikurqanchik ñoqanchikqa.
4 Neguev lawpi chaki wayqokunam
rikurirun yakuyoqña.
Chaynayá ñoqaykutapas
ñakarisqaykumanta kutirichiwaykuña.
5 Waqaspa tarpuqkunaqa
kusikuywanmi cosechanqa.
6 Muhuta waqastin apaqpas
kusikuymanta takistinmi kutimunqa.
Gamillakunata apamustinmi
payqa kutimunqa.