qayakurqani Tayta Diosta.

Chaymi pay

contestamuwarqa ñoqata.

2 Dios Taytalláy,

llullakuqkunamantayá libraykullaway.

Engañakuqkunamantayá libraykullaway.

3 Yaw llulla qallu

¿imatataq qamqa horqokunki?

¿imatawantaq qamqa chaskikunki?

4 Guerrapi peleaqpa

ñawchi punta flechanwanmi

Diosqa castigasunki.

Retama yantapa

ratarichkaq sansanwanmi

payqa castigasunki.

5 ¡Imallapiraq rikukuni!

Ñoqaqariki Mesec runakunapa

yachananpiñam samapakuchkani.

¡Imallapiraq rikukuni!

Ñoqaqariki Cedar runakunapa

yachananpiñam samapakuchkani.

6 Unay tiempoñam ñoqaqa yacharqani.

Hawkayay cheqnikuqkunawanmi yacharqani.

7 Hawkalla kawsakuymantam

rimani ñoqaqa.

Guerrallatam

munachkanku paykunaqa.