Egipto nacionmanta lloqsimusqanku yuyarina taki
114
Egipto nacionmanta
Israel casta lloqsimuptinmi
otaq huk simi rimaq nacionmanta
Jacobpa castan lloqsimuptinmi
2 Juda casta runakuna
Tayta Diospa santuarion hina
rikurirqa.
Israel casta runakunañataqmi
gobiernasqan runakunaña
rikurirqa.
3 Lamar qochapas paykunata
rikuruspanmi anchurikururqa.
Jordan Mayupas qepaman
kutirispanmi kicharikururqa.
4 Pawaykachaq carnerokuna hinam
orqokuna kusikurqaku.
Pawaykachaq chitakuna hinam
moqokunapas kusikurqaku.
5 Lamar qocha
¿imanasqataq qamqa anchurikurqanki?
Jordan Mayu
¿imanasqataq qamqa kicharikurqanki?
6 Orqokuna ¿imanasqataq
pawaykachaq carnerokuna hina
kusikurqankichik?
Moqokuna ¿imanasqataq
pawaykachaq chitakuna hina
kusikurqankichik?
7 ¡Yaw allpa pacha!
qamqa Señorpa qayllanpiyá
katkatatay.
Jacobpa Diosninpa qayllanpiyá
katkatatay.
8 Paymi qaqamanta lloqsichispa
yakuta qochachirqa.
Qaqa rumimantam
pukyu yakuta toqyachimurqa.