Tayta Diospa rurasqankunamanta
¡Aleluya!
111
Tukuy sonqoywanmi
Tayta Diosman graciasta qosaq.
Allin runakunapa qayllanpim
Tayta Diosman graciasta qosaq.
Llapan runakunapa qayllanpim
Tayta Diosman graciasta qosaq.
2 Tayta Diospa rurasqanqa
admirakuypaqmi.
Chaykunata pipas kuyaqqa
yuyaymananmi.
3 Rurasqankunaqa suma-sumaqmi.
Payqa wiñaypaq allin ruraqmi.
4 Milagronkunatapas yuyachinmi.
Tayta Diosqa llakipayakuqmi.
Tayta Diosqa kuyapayakuqmi.
5 Payqa mikusqatam uywachkan
respetaqninkunataqa.
Payqa wiñaypaqmi yuyachkan
contratontaqa.
6 Atiyninwan rurasqankunatam
runakunaman rikuchirqa.
Huklaw nacionniyoqkunapa allpantam
paykunawan dueñoyachirqa.
7 Paypa rurasqankunaqa confiakunapaqmi.
Payqa imapas allin arreglaqmi.
Lliw kamachikuyninkunapas confiakunapaqmi.
8 Chay kamachikuyninkunaqa
wiña-wiñaypaqmi takyachkan.
Chay kamachikuyninkunaqa
confiakunapaqmi mana pantayniyoq kachkan.
9 Payqa runankunatam librarqa.
Wiñaypaqmi contratonta rurarqa.
Payqa chuyay-chuyay Diosmi.
Payqa ancha respetana Diosmi.
10 Yachayniyoq kanapaqqa
Tayta Diostam respetana.
Tukuymanta puntataqa
allin yuyayniyoqmi
kamachikuyninkuna cumpliqkunaqa.
Wiñaypaq alabanam Tayta Diosqa.