Tayta Diospa akllasqan reymanta
Diosman Davidpa takisqan
110
Tayta Diosmi señorniyta nirqa:
Enemigoykikunata vencenaykamayá
alleqniypi tiyaykuy.
Enemigoykikunata saruchinaykamayá
alleqniypi tiyaykuy.
2 Tayta Diosmi Sion llaqtamanta
atiywan gobiernachisunki.
Qamqa enemigoykikunapi
munaychakunaykipaqmi gobiernachisunki.
3 Atiywan peleasqayki punchawpim
runaykikuna entregakusunki.
Sumaqllaña kasqayki punchawpim
kikinkumanta hamusunki.
Achikyaq sulla hinam
akllasqayki mozokuna hamusunki.
4 Tayta Diosmi
kaynata jurarqa.
Rimarispanqa mana qepaman
kutiqmi jurarqa:
Qamqa wiñaypaq sacerdotem
kanki,
nispa.
Qamqa Melquisedecman rikchakuqmi
kanki,
nispa.
5 Señormi kachkan
alleq lawnikipipas.
Piñakusqan punchawmi
tukurunqa reykunatapas.
6 Nacionkunatam juzganqa.
Ayakunatam montonqa.
Tukuy kay pachapi
jefekunatam tukurunqa.
7 Wayqopi yakutam risqanpi tomanqa.
Chay yakum mosoqmanta kallpanchaykunqa.