Rey hina pachasqam kachkan.

Tayta Diosqa atiyninwanmi chumpikuchkan.

Payqa kay pachatam takyachirqa.

Mana suchunanpaqmi takyachirqa.

2 Dios Taytalláy,

chay tiempomantaraqmi takyachkan gobiernoyki.

Qamqa wiña-wiñaypaq kaqmi kanki.

3 Dios Taytalláy,

mayukunam hoqarikuchkan.

Mayukunam qaparichkan.

Mayukunam orqochakuchkan.

4 Altopi kaq qam Tayta Diosqa

lamar qochapa qapariyninmantapas

aswan atiyniyoqmi kanki.

Altopi kaq qam Tayta Diosqa

lamar qochapa orqochakuyninmantapas

aswan atiyniyoqmi kanki.

5 Dios Taytalláy,

kamachikuynikikunaqa llumpay confiakunapaqmi.

Chuya kasqaykiqa temploykipaqmi.

Chaynaqa kanqa wiña-wiñaypaqmi.