Jerusalen llaqtata Dios kuyasqanmanta
Diosman Coreypa mirayninkuna takisqan
87
Sapaqchasqan moqopim
Tayta Dios cimientarqa.
Jerusalen llaqtatam
chaypi hatarichirqa.
2 Jacob casta runakunapa
yachasqankumantapas mastaqa
Sion llaqtapa zaguanninkunatam
kuyan Tayta Diosqa.
3 Yaw Diospa llaqtan,
sumaqllaña palabrakunatam
qanmanta ninku.
Sumaqllaña kaqkunatam
qanmanta rimanku.
(Samariy)
4 Diosmi kaynata nin:
Reqsiwaqniy nacionkunamantam rimasaq.
Rahabwan sutichasqa Egiptomantam rimasaq.
Babilonia nacionmantawan Filistea
nacionmantam rimasaq.
Tiro llaqtamanta hinaspa Cus
nacionmantam rimasaq.
“Sion llaqtapim nacerqa
reqsiwaqniykunaqa”
nispam rimasaq.
5 Sonqomantamá wakinñataq ninqaku:
Kay-wak runam Sionpi nacerqaku,
nispa.
Alto-altopi kaq Diosmi
chay llaqtata takyachinqa,
nispa.
6 Tayta Diosmi runakunamanta qellqanqa:
Sion llaqtapim kay runapas nacerqa,
nispanmi qellqanqa.
(Samariy)
7 Takiqkunawan tusuqkunam ninku:
Sion llaqtayoqllam kaniku,
nispanku.