Juezkunaman Tayta Diospa rimapayasqan
Diosman Asafpa takisqan
82
Diosmi hatun huñunakuypi sayachkan.
Juezkunapa chawpinpim sentenciaspa nichkan:
2 ¿Haykapikamataq
mana allinllata arreglankichik?
¿Haykapikamataq
mana allin ruraqkunaman sayapakunkichik?
(Samariy)
3 Wakchapaqwan mana piyniyoqpaqyá
allinta arreglaychik.
Ñakariqpaqwan mana imayoqpaqyá
allinta ruraychik.
4 Wakchatawan llakisqatayá
lluptichiychik.
Mana allin ruraqkunamantayá
defiendeychik.
5 Qamkunaqa manam imatapas yachankichikchu.
Tutayaypi purispam mana entiendenkichikchu.
Naciontapas manam takyachinkichikchu.
6 Ñoqam nirqaykichik
qamkunaqa dioskuna kasqaykichikta,
llapallaykichik alto-altopi kaqpa
churinkuna kasqaykichikta.
7 Chaywanpas wakin
kamachikuq hinam
qamkunaqa wañurunkichik.
Chaywanpas wakin
runakuna hinam
qamkunaqa chinkarunkichik.
8 Diosnilláy,
hatarispaykiyá juzgay.
Kay pachapi runakunatayá juzgay.
Llapallan nacionkunapa dueñon
kasqaykiraykuyá juzgay.