Utqayman hamuy salvaykuwanaykipaq.
Takiqkunapa maestronpaq, yuyarichinanpaq Davidpa takisqan
70
Diosnilláy,
kallpamuspayá libraykullaway.
Diosnilláy,
utqamuspayá yanapallaway.
2 Pantaypiyá kachunku
llapallan wañuchiway munaqkunaqa.
Penqaypiyá kachunku
llapallan wañuchiway munaqkunaqa.
Qepamanyá kutichun
llapallan dañaruway munaqkunaqa.
Penqaypiyá kachunku
llapallan dañaruway munaqkunaqa.
3 “Allinta rurachun” nispa
kamiwaqniykunaqa qepamanyá kutirichunku.
Paykunaqa penqakuymantayá
qepaman kutirichunku.
4 Llapallan maskaqnikikunayá kusikuchunku.
Llapallan maskaqnikikunayá asirichunku.
“Diosnillayqa hatunchasqa kachun”
niqkunayá kusikuchunku.
Qampa salvacionnikita
kuyallaqkunayá kusikuchunku.
5 Humilde runa kasqayraykuyá
utqamuspayki yanapaykullaway.
Wakcha runa kasqayraykuyá
utqamuspayki yanapaykullaway.
Diosnilláy,
qanmi kanki yanapawaqniyqa.
Qanmi kanki libraykuwaqniyqa.
Dios Taytalláy,
amayá unamuychu qamqa.