Llapallan nacionkunam Diosta alabananku.
Takiqkunapa maestronpaq, cuerdayoq tocanakunawan Diosman takinapaq
67
Diosyá ñoqanchiktaqa
llakipayaykuwasun.
Diosyá ñoqanchiktaqa
bendeciykuwasun.
Diosyá allin ñawinwan
qawariykuwasun.
(Samariy)
2 Diosnilláy,
tukuy kay pachapiyá
reqsisqa kachun
qanman agradaq kawsakuyqa.
Diosnilláy,
llapallan nacionkunapiyá
reqsisqa kachun
qampa salvacionnikiqa.
3 Diosnilláy,
runakunayá
graciasta qosunki.
Llapallan runakunayá
graciasta qosunki.
4 Llapa nacionkunayá
anchallataña kusikuchunku.
Llapa nacionkunayá
kusikuymanta qaparichunku.
Allin arregloman hinam
llapa runakunata gobiernanki.
Kay pachapi nacionkunatam
qamqa pusaypaq-pusanki.
(Samariy)
5 Diosnilláy,
runakunayá
graciasta qosunki.
Llapallan runakunayá
graciasta qosunki.
6 Allpanchikqa sinchitam rurunqa.
Bendeciwasunmi yupaychasqanchik Diosqa.
7 Diosyá bendeciwasun ñoqanchiktaqa.
Paytayá respetachun kay pachapi
llapallan yachaqkunaqa.