Diosmi kay pachapa reyninqa
Takiqkunapa maestronpaq, Coreypa mirayninkuna Diosman takisqan
47
Llapallan runakuna,
makikichikwanyá taqllakuychik.
Kusikuywanyá Diosman takiychik.
Nisyuniqtayá Diosman takiychik.
2 Alto-altopi kaq Tayta Diosqa
manchakuypaqmi.
Payqa tukuy kay pachapi
hatu-hatun reymi.
3 Llapa runakunatam churarqa
munaychakunanchikpaq.
Llapa nacionkunatam churarqa
sarutyananchikpaq.
4 Paymi allpakunata akllapuwarqanchik
chaypi yachananchikpaq.
Jacobta kuyaspam
munasqan allpata akllarqa yachananchikpaq.
(Samariy)
5 Diosmi tiyananman seqarqa
kusikuy takillawanña.
Tayta Diosmi tiyananman seqarqa
corneta waqayllawanña.
6 ¡Takiychik Diosman!
¡Takiychik Diosman!
¡Takiychik Reyninchikman!
¡Takiychik Reyninchikman!
7 Diosmi tukuy kay pachapi Reyqa.
Paymanyá takiychik
yuyaymananapaq takitaqa.
8 Diosmi llapallan nacionkunata gobiernachkan.
Diosmi sapaqchakusqan tiyananpi tiyachkan.
9 Abrahampa Diosninpa runankunam
huñunakurunku.
Chaynam llapa runakunapa jefenkunapas
huñunakurunku.
Diosllapam kay pachapi munayniyoqkunaqa.
Llumpa-llumpay hatunchasqam payqa.