“Diosqariki manam kanchu” nillaspanku.

Paykunaqa pasaypaqmi pierderunku.

Millakuypaq kaqkunatam rurarunku.

Manam pipas allintaqa ruranñachu.

2 Tayta Diosmi runataqa hanaq pachamanta qawamuchkan.

Pillatapas entiendeqta tariykunanpaqmi qawamuchkan.

Pillatapas maskaqninta tariykunanpaqmi qawamuchkan.

3 Llapallankum pantay ñanta pasakunku.

Lliwmi pantaruspa pierdekurullanku.

Manam pipas allintaqa ruranñachu.

Chullallapas manamriki ruranñachu.

4 Mana allin ruraq lliw runaqa

manam entiendellankuchu.

Tantatapas hinam mikuparullanku runaykunatapas.

Paykunaqa manam mañakunkutaqchu Tayta Diosniytapas.

5 Mana allin rurallaqkunaqa

llumpay mancharisqam kachkan.

Tukuy allin ruraqkunawanmi

Diosqa haykapipas kachkan.

6 Paykunaqa ñakariqpa

tanteaykusqanmantam burlakuchkan.

Ñakariqkunamantaqa

Tayta Diosmi preocupakullachkan.

7 ¡Ima allinsuraq kanman Sionmanta

Israelpa salvaqnillan hamuptinqa!

¡llapan runakunapapas kawsasqanta

allinninpaq Tayta Diosraq cambiaptinqa!

Jacobpapas mirayninmi kusikunqa.

Israelpapas mirayninmi kusikunqa.