Sasachakuypi kaspan Davidpa mañakusqanmanta
Takiqkunapa maestronpaq, Davidpa Diosman takisqan
13
Dios Taytalláy
¿haykapikamataq qonqaruwanki?
¿Wiñaypaqchum qamqa qonqaruwanki?
¿Haykapikamataq pakakuwanki?
2 ¿Haykapikamataq pensamientopa
llumpay intuykusqan kasaq ñoqaqa?
¿Haykapikamataq sonqollaypipas
llumpay llakisqaraq kasaq ñoqaqa?
¿Haykapikamataq enemigoypas
contraykunapiraq hatarirunqa?
3 Yupaychasqay Dios Taytalláy,
qawariykuwaspayá contestaykullaway.
Wañuy puñuymantayá kanchariykullaway.
4 Cheqniqniyqa amayá nillachunchu kayta:
“Venceykuruniñamá ñoqallayqa” nispa.
Enemigoykunachá kusikullanmanku.
Wichiykusqaymantachá kusikullanmanku.
5 Kuyakuynikipimá confiakullachkani.
salvawasqaykipimá kusikullachkani.
6 Tayta Diosnillaymanmá ñoqa takillasaq.
Favornillanmantamá ñoqa takillasaq.