maskaykullachkani ñoqallayqa.

¿Imanasqamá niwachkankichik:

“Kullku hina pakakunapaqqa

orqomanñayá ayqekuspapas

ayqekullaychikqa” nisparaqqa?

2 “Qawariyñayá,

flechanankutam

preparachkan mana allin runa.

Flechankutamá cuerdankumanña

churallachkan mana allin runa.

Allin kaqtamá flecharunanpaq

listakuchkan mana allin runa.

3 ¿Imatañamá justokunapas

chayna karuptinqa ruraykunqa?

¿Imatañamá cimientollanpas

wichiykullaptinqa ruraykunqa?”

4 Sapaqchasqan templollanpim Tayta Diosqa kachkan.

Hanaq pachapitaqmiki tiyananpas kachkan.

Tayta Diosqa llapallantam qawapayallachkan.

Payqariki lliw runatam qawapayaykuchkan.

5 Qawallachkantaqmi allin ruraq runatapas.

Qawallachkantaqmi mana allin runatapas.

Cheqnillanmi payqa daño ruraqkunatapas.

6 Paykunapa hawanmanmi paraykachimunqa

ruparichkaq sansatawan asufrekunata.

Kanananaq vientokunawanmi castiganqa

tuku-tukuy mana allin rurallaqkunata.

7 Tayta Diosqariki allin ruraq kasqanraykum

kuyapayan allin ruraq runakunataqa.

Allin kawsakuqkunaqa allin kasqanraykum

qawaykullanqaku Tayta Diospa uyantaqa.