¿Imanasqataq runakunapas yanqakunata tantearunku?

2 Kay pachapiqariki reykunapas hukllatam hoqarikurunku.

Kamachikuqkunapas Tayta Diospa contranpim rimanakurunku.

Aceitewan tallispa nombrasqanpa contranpim rimanakurunku.

3 Qaparispankum kaynata ninku:

“Cadenankuta tipirusun.

Waskawan watawasqanchiktapas ñoqanchikmantam wischurusun.”

4 Hanaq pachapi kawsakuqpunim paykunamanta asikunqa.

Hina kikinmi Señorqariki paykunamanta burlakunqa.

5 Chaymantataqmi piñakuywantaq rimapayanqa paykunata.

Paykunataqa rabiawantaqmi anchata hukmanyarachinqa.

6 “Ñoqaqariki akllakuspaymi churaruniña reyniytaqa.

Sapaqchakusqay Sion Moqopim churaykullani reyniytaqa.”

7 Tayta Diospaqa decretonmantam chay reyqariki nin kaynata:

“Tayta Diospunim niykullawarqa:

‘Churiymi qamqa kapuwanki,

kunan punchawmantapunimriki ñoqaqa kani Taytallayki.

8 Herenciapaqpas nacionkunata mañawaptikim qosqaykitaq.

Kay pachatapas mañawaptikim qampa kananpaq qosqaykitaq.

9 Huk fierromanta tawnawan hinam paykunataqa vencerunki.

Allpa mankata pakichkaq hinam paykunataqa castiganki.’ ”

10 Kay pachapi llapallan reykuna,

qamkunaqariki lliwyá entiendeychik.

Kay pachapi kamachikuqkuna,

anyasusqaykichiktayá chaskikuychik.

11 Tayta Diosta respetaspa payllatapuni servikuychik.

Qamkunaqa manchakuywan paymantapuni kusikuychik.

12 Diospa churintaqa ama piñakunanpaq yupaychaychik.

Kawsasqaykichikpi ama wañurunapaq yupaychaychik.

Payqariki mayna-mayna apurawllaman piñakuqmi.

Mayna kusisqamya payman lliw runakuna confiakuqqa.