consejasqankuna mana chaskiq runaqa.

Mayna kusisqam huchasapa runakunapa

kawsasqanpi hina mana kawsaq runaqa.

Mayna kusisqam Diosta burlakuqkunawanpas

mana haykapipas hukllawakuq runaqa.

2 Tayta Diosllapa tukuy ima yachachisqantam

kuyakuyllawanña cumplen chayna runaqa.

Tuta punchawmi chayna sumaq yachachisqanpi

yuyaymanaykuspan cumplen chayna runaqa.

3 Chayna runaqa yarqapapas patallanpiña

sumaqllaña wiñaq sachamanmi rikchakun.

Chayna runaqa tiempollanpi sumaqllataña

ruruykamullachkaq sachamanmi rikchakun.

Chayna runapa tukuy ima rurallasqanqa

alli-allinpunim haykapipas lloqsiykun.

4 Manam chaynachu pasaypaqpas kallanqariki

mana allinllata kawsakullaq runaqa.

Qopa wayrapa aparisqan hinaraqmiki

kanqa mana allinkuna ruraq runaqa.

5 Chayna runaqa juicio ruray chayamuptinpas

manapunimriki allinraqqa kanmanchu.

Justo runapa kasqanmanqa manataqmiki

huchayoqkunaqa pasaypaqpas rinmanchu.

6 Tayta Diosniyqa reqsichkanmi justokunapa

kawsakuynillanqa allinpuni kallasqanta.

Mana allinlla ruraqkunam ichaqariki

kawsasqankupipas tarinqaku wañuyllata.