35
Eliu sutiyoq runaqa nirqataqmi:
2 Tayta Job,
¿allinpaqchu
rikchakapusunki qamtaqa
Diosraq:
“Razonniyoqmi kanki”
nisunaykipaqqa?
3 Qamqa Diostam nirqanki kaynata:
“¿Imataq qokusunki
ñoqa huchallikuptiyqa?”
nispa.
“¿Ima allintataq qowanman karqa
mana huchallikuptiyqa?”
nispa.
4 Chaynaqa ñoqam
contestasqayki qamta.
Chaynaqa ñoqam contestasaq
qampa amistadnikikunata.
5 Cielokuna lawman umaykita
hoqarispayá qawariy.
Puyukunaqa qanmanta aswan mas altopi
kasqantayá qawariy.
6 Huchallikusqaykiqa Diostaqa
manam imananpaschu.
Maynaña mana kasukusqaykipas
Diostaqa manam imananpaschu.
7 Allinta ruraspapas
manataqmi imallatapas
qochkankichu.
Allinta ruraspapas
manataqmi imallapipas
favorecechkankichu.
8 Chayna mana allin rurasqaykiqa
dañanman qam hina runallatam.
Allin rurasqaykipas
favorecenmanqa qam hina runallatam.
9 Runakunaqa llumpayta ñakarispankum
qayakunku.
Paykunaqa munaychakuqkunapa makinmanta
librasqa kanankupaqmi qayakunku.
10 Ichaqa paykunaqa manam maskankuchu
unanchaqnin Diostaqa.
Ichaqa paykunaqa manam maskankuchu
tutankuna takichiqnin Diostaqa.
11 Manam maskankuchu purun animalkunamantapas
mastaraq yachachiwaqninchik Diostaqa.
Manam maskankuchu alton pawaq animalkunamantapas
mastaraq yuyay qowaqninchik Diostaqa.
12 Paykunataqa orgulloso kasqankuraykum
qayakuptinkupas Diosqa mana contestanchu.
Paykunataqa mana allin ruraq kasqankuraykum
qapariptinkupas Diosqa mana contestanchu.
13 Cheqaptapunipas Diosqa manam uyarinqachu
chayna yanqa qayakusqankutaqa.
Cheqaptapunipas Tukuy Atiyniyoq Diostaqa
manam imapas qokunchu chaymantaqa.
14 “Diostaqa manam rikurqanichu”
nisparaqmi piensachkankipas qamqa.
Ichaqa pacienciawanyá suyaykuy,
paypa ñawpaqninpiñam kachkan asuntoykiqa.
15 Qamqa kunanmi ninkitaq piñakuspanpas
Diosqa mana castigakusqanta.
Qamqa kunanmi ninkitaq
loco hina rurasqaykimanta,
Diostaqa mana imapas qokusqanmanta.
16 Chaynaqa Job,
qamqariki
yanqakunatam rimachkanki.
Qamqariki mana yachaywanmi
llumpayta rimachkanki.