Runakuna huchayoq kasqanmanta
25
Sua sutiyoq lawmanta Bildadñataqmi nirqa:
2 Diosqa tukuy ima gobiernaqmi.
Diosqa llapa runapa manchakunanmi.
Payqa hanaq pachapi hawkayay qokuqmi.
3 Tropankunapas manaña yupay
atinam paypaqa.
Achkiyninpas llapallan runamanmi
kanchaykun paypaqa.
4 ¿Yaqachum runaqa mana huchayoq
kanman Diospa qayllanpiqa?
¿Yaqachum warmimanta naceqqa
limpio kanman Diospa qayllanpiqa?
5 Paypa qayllanpiqa killapunipas
manam allintaqa kanchanchu.
Paypa qayllanpiqa lucerokunapas
manam sumaq claroy-claroychu
6 Runaqa paypa qayllanpiqa
aycha uru hinallam.
Runaqa paypa qayllanpiqa
cochinilla hinallam.