3-4 Israel castakunapa wakinninqa yacharqa Juda law llaqtakunapim,

paykunaqa sapakamam yacharqaku llaqtankupi hinaspa chakrankupi.

Chay yachaqkunaqa karqa sacerdotekunam,

Leviy casta runakunam,

templopi sirvientekunam chaynataq Salomonpa sirvientenkunapa mirayninmi.

Juda ayllu wakin runakunañataqmi Benjamin ayllu wakin runakunapiwan Jerusalen llaqtapiña yacharqaku.

Jerusalen llaqtapiña yachaq provinciapi jefekunaqa kaykunam:

Juda ayllumantam karqa:

Ataias,

paypa taytanmi karqa Uzias,

Uziaspa taytanñataqmi karqa Zacarias,

Zacariaspa taytanñataqmi karqa Amarias,

Amariaspa taytanñataqmi karqa Sefatias,

Sefatiaspa taytanñataqmi karqa Mahaleel,

Mahaleelqa karqa Fares sutiyoq runapa mirayninmi.

5 Hukninñataqmi karqa Maasias,

paypa taytanñataqmi karqa Baruc,

Barucpa taytanñataqmi karqa Colhoze,

Colhozepa taytanñataqmi karqa Hazaias,

Hazaiaspa taytanñataqmi karqa Adias,

Adiaspa taytanñataqmi karqa Joiarib,

Joiaribpa taytanñataqmi karqa Zacarias,

Zacariasqa karqa Siloni sutiyoq runapa mirayninmi.

6 Jerusalen llaqtapi yachaq Fares casta llapallan runakunam karqa tawa pachak soqta chunkan pusaqniyoq runakuna,

paykunaqa llapallankum karqaku guerrapaq alistasqa runakuna.

7 Benjamin ayllumanta kaqkunañataqmi karqa Salu,

Salupa taytanmi karqa Mesulam,

Mesulampa taytanñataqmi karqa Joed,

Joedpa taytanñataqmi karqa Pedaias,

Pedaiaspa taytanñataqmi karqa Colaias,

Colaiaspa taytanñataqmi karqa Maasias,

Maasiaspa taytanñataqmi karqa Itiel,

Itielpa taytanñataqmi karqa Jesaias,

8 Salupa castamasinñataqmi karqa Gabai hinaspa Salai.

Paykunam llapallanku karqaku isqon pachak iskay chunkan pusaqniyoq runakuna.

9 Paykunapa jefenñataqmi karqa Zicripa churin Joel.

Senuapa churin Judañataqmi karqa Jerusalen llaqtapi iskay kaq kamachikuq.

10 Sacerdotekunañataqmi karqaku:

Jedaias,

paypa taytanmi karqa Joiarib,

Joiaribpa taytanñataqmi karqa Jaquin.

11 Huknin sacerdoteñataqmi karqa Seraias,

paypa taytanñataqmi karqa Hilcias,

Hilciaspa taytanñataqmi karqa Mesulam,

Mesulampa taytanñataqmi karqa Sadoc,

Sadocpa taytanñataqmi karqa Meraiot,

Meraiotpa taytanñataqmi karqa Ahitob,

Ahitobqa karqa Diospa wasinpi kamachikuqmi.

12 Paykunaqa templopi llamkaqmasinkunapiwanmi llapallanku karqaku pusaq pachak iskay chunkan iskayniyoq.

Huknin sacerdoteñataqmi karqa Adaias,

paypa taytanmi karqa Jeroham,

Jehorampa taytanñataqmi karqa Pelalias,

Pelaliaspa taytanñataqmi karqa Amsi,

Amsipa taytanñataqmi karqa Zacarias,

Zacariaspa taytanñataqmi karqa Pasur,

Pasurpa taytanñataqmi karqa Malquias,

13 Paykunaqa ayllukunapa jefen castamasinkunapiwanmi karqaku iskay pachak tawa chunkan iskayniyoq runakuna.

Huknin sacerdoteñataqmi karqa Amasai,

paypa taytanñataqmi karqa Azareel,

Azareelpa taytanñataqmi karqa Azai,

Azaiapa taytanñataqmi karqa Mesilemot,

Mesilemotpa taytanñataqmi karqa Imer,

14 payqa guerrapaq listollaña kaq castamasinkunapiwanmi karqaku pachak iskay chunkan pusaqniyoq runakuna.

Paykunapa kamachininqa karqa Gedolim sutiyoq runapa churin Zabdielmi.

15 Leviy casta runakunañataqmi karqa:

Semaias,

paypa taytanmi karqa Hasub,

Hasubpa taytanñataqmi karqa Azricam,

Azricampa taytanñataqmi karqa Hasabias,

Hasabiaspa taytanñataqmi karqa Buni.

16 Leviy casta runakunapa iskaynin jefenkunaqa karqa Sabetai sutiyoq runawan Jozabad sutiyoq runam,

paykunaqa Diospa templonpa hawa lawninpi llamkachiqkunam karqaku.

17 Diosta mañakunanku horapim takispanku payman graciasta qoqku,

chay takiqkunapa maestronmi karqa Matanias,

paypa taytanmi karqa Micaia,

Micaiapa taytanñataqmi karqa Zabdi,

Zabdipa taytanñataqmi karqa Asaf.

Bacbuquias sutiyoq runañataqmi karqa ayllunkunapi iskay kaq kamachikuq.

Leviy casta huknin runañataqmi karqa Abda,

paypa taytanmi karqa Samua,

Samuapa taytanñataqmi karqa Galal,

Galalpa taytanñataqmi karqa Jedutun.

18 Chaynaqa Diospa sapaqchasqan llaqtapi Leviy castakunamanta llapallan yachaqkunaqa karqa iskay pachak pusaq chunkan tawayoq runakunam.

19 Punkukunawan cuentallikuqkunam karqa Acub,

Talmon hinaspa ayllunkuna,

llapallankum karqaku pachak qanchis chunkan iskayniyoq runakuna.

20 Israel casta wakin runakunañataqmi wakin sacerdotekunapiwan hinaspa Leviy casta wakin runakunapiwan yacharqaku Juda lawpi kaq llaqtakunapiña.

Paykunaqa sapakamam maymi allpankupi yacharqaku.

21 Ichaqa templopi sirvientekunaqa yacharqaku Ofel Moqopim,

paykunapa jefenkum karqa Ziha sutiyoq runawan Gispa sutiyoq runa.

22 Jerusalen llaqtapi kaq Leviy casta runakunapa jefenqa karqa Uzi sutiyoq runam,

paypa taytanmi karqa Bani,

Banipa taytanñataqmi karqa Hasabias,

Hasabiaspa taytanñataqmi karqa Matanias,

Mataniaspa taytanñataqmi karqa Micaia.

Paykunaqa karqa Asafpa mirayninmanta kaqkunam,

hina paykunataqmi karqa Diospa templonpi takiqkunapa maestronpas.

23 Chaynataqa rurarqaku sapa punchaw takinankupaq rey kamachikusqanraykum.

24 Runakunata atiendenanpaq reypa ñawpaqninpi kaq runapa sutinñataqmi karqa Petaias,

paypa taytanmi karqa Mesezabeel,

paykunaqa karqaku Judapa churin Zera sutiyoq runapa mirayninkunam.

25 Juda castamanta kaq wakin runakunañataqmi yacharqa chakrasapallaña taksa llaqtachakunapi.

Wakinkum yacharqa Quiriat-Arba sutiyoq llaqtapi taksa llaqtachankunapiwan,

wakinñataqmi yacharqa Dibon sutiyoq llaqtapi chaynataq taksa llaqtachankunapiwan,

wakinñataqmi yacharqa Jecabseel sutiyoq llaqtapi taksa llaqtachankunapiwan,

26 wakinñataqmi yacharqa Josuey sutiyoq llaqtapi,

Molada sutiyoq llaqtapi,

Bet-pelet sutiyoq llaqtapi,

27 Hazar-sual sutiyoq llaqtapi,

Beerseba sutiyoq llaqtapi taksa llaqtachankunapiwan.

28 Yacharqakutaqmi Siclag sutiyoq llaqtapipas,

Mecona sutiyoq llaqtapipas chaynataq llaqtachankunapipas.

29 Yacharqakutaqmi En-rimon sutiyoq llaqtapipas,

Zora sutiyoq llaqtapipas,

Jarmut sutiyoq llaqtapipas,

30 Zanoa sutiyoq llaqtapipas,

Adulam sutiyoq llaqtapipas chaynataq chay iskay llaqtakunapa llaqtachankunapipas,

yacharqakutaqmi Laquis llaqtapipas,

tukuy chakrankunapipas hinaspa Azeca llaqtapipas tukuy llaqtachankunapiwan.

Paykunaqa yacharqaku Beerseba llaqtamanta Hinom sutiyoq wayqokamam.

31 Benjamin casta runakunañataqmi yacharqaku Geba sutiyoq llaqtapi,

Betel sutiyoq llaqtapi llaqtachankunapiwan.

32 Yacharqakutaqmi Anatot sutiyoq llaqtapipas,

Nob sutiyoq llaqtapipas,

Ananias sutiyoq llaqtapipas,

33 Hazor sutiyoq llaqtapipas,

Rama sutiyoq llaqtapipas,

Gitaim sutiyoq llaqtapipas,

34 Hadid sutiyoq llaqtapipas,

Seboim sutiyoq llaqtapipas,

Nebalat sutiyoq llaqtapipas,

35 Lod sutiyoq llaqtapipas,

Ono sutiyoq llaqtapipas chaynataq Obra Ruraqkuna sutiyoq wayqopipas.

36 Wakin Leviy casta runakunañataqmi yacharqaku Juda casta hinaspa Benjamin casta runakunapa yachanan lawpi.