Juda nacionpi runakunam Tayta Dios traicionarusqankurayku Babilonia nacionman preso pusasqa karqaku.

2 Babilonia nacionmanta puntata kutimuspa chakrankuman hinaspa llaqtankuman yachanankupaq yaykuqkunam karqaku Israel castamanta wakin runakuna,

sacerdotekuna,

Leviy casta runakuna hinaspa templopi sirviente kaqkuna.

3 Juda castamanta,

Benjamin castamanta,

Efrain castamanta chaynataq Manases castamanta runakunam Jerusalen llaqtapi yacharqaku.

4 Judapa churin Farespa miraynin runakunam karqa Utai,

Utaipa taytanmi karqa Amiud,

Amiudpa taytanmi karqa Omri,

Omripa taytanñataqmi karqa Imri,

Imripa taytanñataqmi karqa Bani.

5 Selapa miraynin runakunañataqmi karqa Asaiaswan churinkuna.

Asaiasqa karqa Selapa piwi churinmi.

6 Zerapa mirayninmantañataqmi karqa Jeuel.

Paykunapa castanmantam karqaku soqta pachak isqon chunkan runakuna.

7 Benjamin castamanta kaqkunam karqa Salu,

Salupa taytanmi karqa Mesulam,

Mesulampa taytanñataqmi karqa Hodavias,

Hodaviaspa taytanñataqmi karqa Asenua.

8 Jerusalen llaqtapitaqmi yacharqa Jerohampa churin Ibneiaspas chaynataq Elapas,

Elapa taytanmi karqa Uzi,

Uzipa taytanñataqmi karqa Micri.

Chaypitaqmi yacharqa Mesulampas,

Mesulampa taytanmi karqa Sefatias,

Sefatiaspa taytanñataqmi karqa Reuel,

Reuelpa taytanñataqmi karqa Ibnias.

9 Castankuman hinam karqaku isqon pachak pichqa chunkan soqtayoq runakuna.

Llapallankum karqaku castanku ukupi kamachikuqkuna.

10 Jerusalen llaqtapi yachaq sacerdotekunam karqaku Jedaias,

Joiarib,

Jaquin,

11 Azarias.

Azariaspa taytanmi karqa Hilcias.

Hilciaspa taytanñataqmi karqa Mesulam,

Mesulampa taytanñataqmi karqa Sadoc,

Sadocpa taytanñataqmi karqa Meraiot,

Meraiotpa taytanñataqmi karqa Ahitob.

Azariasmi cuentallikurqa Diospa templonmanta.

12 Huknin sacerdotem karqa Adaia,

Adaiapa taytanmi karqa Jeroham,

Jerohampa abuelonñataqmi karqa Pasur,

Pasurpa taytanñataqmi karqa Malquias.

Huknin sacerdoteñataqmi karqa Masai sutiyoq runa,

Masaipa taytanmi karqa Adiel,

Adielpa taytanñataqmi karqa Jazera,

Jazerapa taytanñataqmi karqa Mesulam,

Mesulampa taytanñataqmi karqa Mesilemit,

Mesilemitpa taytanñataqmi karqa Imer.

13 Sacerdotekunapa llapallan castankunam karqa waranqa qanchis pachak soqta chunkan runakuna.

Paykunaqa castanku ukupi kamachikuqkunam karqaku Diospa templonpi ruranankupaq allin yachachisqa.

14 Jerusalen llaqtapi yachaq Leviy casta runakunam karqa Semaias,

Semaiaspa taytanmi karqa Hasub,

Hasubpa taytanñataqmi karqa Azricam,

Azricampa taytanñataqmi karqa Hasabias.

Hasabiasqa karqa Meraripa castanmi.

15 Leviy casta wakin runakunam karqa Bacbacar,

Heres,

Galal hinaspa Matanias.

Mataniaspa taytanmi karqa Micaia,

Micaiapa taytanñataqmi karqa Zicri,

Zicripa taytanñataqmi karqa Asaf.

16 Leviy casta huknin runañataqmi karqa Obadias,

Obadiaspa taytanmi karqa Semaias,

Semaiaspa taytanñataqmi karqa Galal,

Galalpa taytanñataqmi karqa Jedutun.

Leviy casta huknin runañataqmi karqa Berequias,

Berequiaspa taytanmi karqa Asa,

Asapa taytanñataqmi karqa Elcana.

Chay Elcana sutiyoq runam yacharqa Netofa llaqtayoqkunapa yachanan llaqtachakunapi.

17 Jerusalen llaqtapi punkukunawan cuentallikuqkunam karqa Salum,

Acub,

Talmon hinaspa Ahiman.

Wawqenku Salunmi karqa paykunapa jefen.

18 Kay libro qellqasqa tiempokamamá Salum karqa reypa yaykunan punkuwan cuentallikuq.

Chay punkuqa qawarqa intipa qespimunan lawmanmi.

Paykunamá karqaku Leviy casta runakunapa campamentonpi punkukunawan cuentallikuqkuna.

19 Chay Salum sutiyoq runapa taytanmi karqa Corey,

Coreypa taytanñataqmi karqa Ebiasaf,

Ebiasafpa taytanñataqmi karqa Corey,

Salunmi Corey castamasinkunapiwan templopa punkunkunawan cuentallikuqku.

Paykunapa abuelonkunam Tayta Diospa yachanan karpapa punkunwan cuentallikuqku.

20 Sacerdote Eleazarpa churin Fineesmi ñawpaq tiempopi paykunapa jefen karqa.

¡Tayta Diosyá paywan kachun!

21 Meselemias sutiyoq runapa churin Zacariasmi karqa Diosman asuykuna karpapa punkunwan cuentallikuq.

22 Punkukunawan cuentallikunankupaq akllasqa runakunam karqa iskay pachak chunka iskayniyoq runakuna,

paykunam castankuman hina listasqa karqa yachasqanku llaqtachakunapi.

Paykunatamá nombrarqa Davidwan Diosmanta willakuq Samuel,

chayna nombrasqaqa karqaku confianza runakuna kasqankuraykum.

23 Paykunamá mirayninkunapiwan Tayta Diospa templonpa punkunkunawan tupasqanman hina cuentallikuqku,

chay templopa huknin sutinqa karqa “karpam”.

24 Templopa tawan lawninpi punkukunawan cuentallikuqkunam karqa.

Intipa qespimunan lawpi,

intipa seqaykunan lawpi,

norte lawpi hinaspa surlawpi.

25 Paykunapa castankunam yachasqanku llaqtachakunamanta hamuqku tupasqanman hina qanchis punchaw yanapakunankupaq.

26 Leviy castamanta punkukunawan cuentallikuq tawa jefekunam ichaqa tukuy tiempo cuidaqku Diospa templonpi cuartokunatawan tukuy ima waqaychana cuartokunata.

27 Paykunaqa cuidaspankum Diospa templonpa muyuriqninpi tuta pasaqku,

paykunataqmi templopa llavenwanpas cuentallikurqaku sapa temprano kichanankupaq.

28 Leviy castamanta wakin runakunañataqmi cuentallikurqaku cultopaq serviciokunamanta,

chay serviciokunatam yupaspanku waqaychananku sitioman apaykuqku hinaspam chaymantataq horqomuqkupas.

29 Wakinkunañataqmi cuentallikurqaku wakin serviciokunamantawan Diospaq sapaqchasqa llapallan serviciokunamanta.

Cuentallikurqakutaqmi harinamantapas,

vinomantapas,

aceitemantapas,

inciensomantapas chaynataq especeriakunamantapas.

30 Wakin sacerdotekunañataqmi especeriakunata taqrunaqku perfumepaq.

31 Leviy casta Matatias sutiyoq runam cuentallikurqa ofrendapaq tanta ruraymanta,

Matatiasqa karqa Salumpa piwi churinmi,

Salumñataqmi karqa Corey castamanta.

32 Coat castamanta wakin Leviy castakunam cuentallikurqaku Diospa qayllanpi churana tanta ruraymanta,

chaykunatam churaqku sapa samana punchawpi.

33 Karqataqmi takiqkunapas,

paykunaqa karqa Leviypa castankunapi kamachikuqkunam,

paykunam yacharqaku templopa cuartonkunapi,

tuta punchaw takiyllapi servikusqankuraykum huk ruranataqa mana rurarqakuchu.

34 Paykunamá listaman hina karqa Leviy casta runakunapa kamachiqninkuna,

paykunaqa yacharqaku Jerusalen llaqtapim.

35 Gabaon llaqtapim yacharqa Gabaon llaqta hatarichiq Jehiel,

paypa warminpa sutinmi karqa Maaca.

36 Jehielpa piwi churinmi karqa Abdon,

Abdonpa qatiqninkunañataqmi karqa Zur,

Cis,

Baal,

Ner,

Nadab,

37 Gedor,

Ahio,

Zacarias hinaspa Miclot.

38 Chay Miclot sutiyoq runam karqa Simeampa taytan.

Paykunapas castanku hinam Jerusalen llaqtapi yacharqaku.

39 Ner sutiyoq runam karqa Cispa taytan,

Cismi karqa Saulpa taytan,

Saulpa churinkunam karqa Jonatan,

Malquisua,

Abinadab hinaspa Es-baal.

40 Jonatanpa churinmi karqa Merib-baal,

paypa churinmi karqa Micaia.

41 Micaiapa churinkunam karqa Piton,

Melec,

Tarea hinaspa Acaz.

42 Acazmi karqa Jarapa taytan,

Jarapa churinkunam karqa Alemet,

Azmavet hinaspa Zimri.

Zimrim karqa Mosapa taytan.

43 Mozam karqa Binapa taytan,

Binapa churinmi karqa Refaias,

Refaiaspa churinñataqmi karqa Elasa,

Elasapa churinñataqmi karqa Azel.

44 Azelpa soqta churinkunam karqa Azricam,

Bocru,

Ismael,

Searias,

Obadias hinaspa Hanan.

Paykunamá karqa Azelpa churinkuna.