9 Sutinku churaq Leviy casta runakunañataqmi karqa:

Azaniaspa churin Josuey,

Henadadpa miraynin Binuy,

Cadmiel

10 hinaspa sacerdotemasin ayllun Sebanias,

Hodias,

Kelita,

Pelaias,

Hanan,

11 Micaia,

Rehob,

Hasabias,

12 Zacur,

Serebias,

Sebanias,

13 Hodias,

Bani hinaspa Beninu.

14 Kamachikuqkunañataqmi karqa:

Paros,

Pahat-moab,

Elam,

Zatu,

Bani.

15 Buni,

Azgad,

Bebai,

16 Adonias,

Bigvai,

Adin,

17 Ater,

Ezequias,

Azur,

18 Hodias,

Hasum,

Bezai,

19 Harif,

Anatot,

Nebai,

20 Magpias,

Mesulam,

Hezir,

21 Mesezabeel,

Sadoc,

Jadua,

22 Pelatias,

Hanan,

Ananias,

23 Oseas,

Hananias,

Hasub,

24 Halohes,

Pilha,

Sobec,

25 Rehum,

Hasabna,

Maasias,

26 Ahias,

Hanan,

Anan,

27 Maluc,

Harim hinaspa Baana.

28 Chaypi wakin runakunapas otaq sacerdotekunapas,

Leviy casta runakunapas,

punkukunawan cuentallikuqkunapas,

takiqkunapas,

templopi sirvientekunapas chaynataq Diospa yachachikuynintaña cumplinankupaq chaylawpi runakunamanta sapaqchakuqkunapas,

llapallankum warmintin hinaspa yuyayniyoqña churinkunapiwan

29 hukllawakurqaku ayllunkunawanpas chaynataq jefenkunawanpas hinaspam tukuy sonqonkuwan jurarqaku Diospa qosqan Moisespa yachachikuykunaman hina kawsanankupaq.

Prometekurqakutaqmi yupaychasqayku Señor Diospa llapallan kamachikuyninkunata,

reglamentonkunata hinaspa decretonkunata cumplinankupaqpas.

30 Chaynaqa warmi churiykutapas manam casarachisaqkuchu hichpaykupi yachaq huk casta runakunawanqa,

manataqmi qari churiykutapas casarachisaqkuchu paykunapa warmi churinkunawanqa.

31 Hichpaykupi yachaq huk casta runakuna samanayku punchawpi imataña rantikunankupaq apamuptinkupas otaq tukuy rikchaq kutakunataña apamuptinkupas manam ñoqaykuqa rantisaqkuchu,

fiesta punchawpipas manamá imatapas rantisaqkuchu.

Sapa qanchis watataqmi chakraykutapas samachisaqku,

pampachasaqkum manukuwaqniyku runakunatapas.

32 Kikillaykumantam prometekuchkaniku watan-watan tawa gramo qollqe qoytapas,

chay qollqeqa kanqa Diosniykupa templonpi gastokunapaqmi.

33 Chay qollqem servikunqa Diospa qayllanpi churana tanta ruranapaq,

sapa punchaw kawsaykunamanta ofrendapaq,

sapa punchaw lliw kañana ofrendakunapaq hinaspa Diosniykupa templonpi tukuy ima ruraykunapaq.

34 Sacerdotekunam Leviy casta runakunapiwan hinaspa llapallan runakunapiwan suertearqaniku abueloykupa ayllunman hina watan-watan Diosniykupa templonman sapa kuti qonayku yanta apanaykupaq chaynapi chay yantawan yupaychasqayku Tayta Diospa altarninpi kañanapaq,

chaynam yachachikuyninkunapi qellqasqa kachkan.

35 Prometekurqanikutaqmi Tayta Diospa templonman watan-watan chakrapa punta kaq rurunkunatawan fruta sachakunapa rurunta apanaykupaqpas.

36 Prometekurqanikutaqmi piwi churiykutawan animalniykupa punta kaq wawanta Tayta Diospa templonman pusanaykupaqpas,

chay pusamunayku animalkunaqa kanan karqa vacakunamantawan ovejakunamantam,

chay pusamunaykuqa kanan karqa Diosniykupa templonpi servikuq sacerdotekunapaqmi.

Chaynataqa ruranayku karqa Diospa yachachikuyninpi qellqasqanman hinam.

37 Prometekurqanikutaqmi Diosniykupa templonpi cuartoman sacerdotekunapaq imakuna apamuytapas.

Apamusaqkumá puntallaraq kuta horqosqaykutapas,

kawsaykunamanta ofrendakunatapas,

llapallan fruta sachakunamanta puntallaraq rurun pallasqaykutapas,

puntallaraq vino horqosqaykutapas chaynataq puntallaraq aceite horqosqaykutapas.

Prometekurqanikutaqmi Leviy casta runakunapaq tukuy cosechaykumanta diezmoyku apamuytapas,

diezmo qonaykutaqariki paykunam llamkasqayku llaqtakunaman hamuspa apanqaku.

38 Leviy casta runakuna chay diezmokunata hoqariq riptinkuqa Aaronpa mirayninmanta kaq sacerdotem paykunawan rinqa,

chay Leviy casta runakunaqa chay huñumusqanku diezmokunapa diezmontaqa apaykunqaku Diosniykupa templonpi cuartomanmi.

39 Arí,

Israelpa mirayninkunaqa Leviy castakunapiwanmi Diospaq sapaqchasqa serviciokunapa kasqan cuartoman apaykunku trigo ofrendakunatawan vino ofrendakunata hinaspa aceite ofrendakunata,

chay cuartokunapiqariki kachkan Diospa servicion ruraq sacerdotekunam,

chaypitaqmi kachkan punkukunawan cuentallikuqkunapas hinaspa takiqkunapas.

Chaynaqa ñoqaykumá prometekuniku Diosniykupa templontaqa mana qonqaspa atiendenaykupaq.