Yachachikuy librota Esdras leesqanmanta
8
Qanchis kaq killa chayaramuptinmi Israelpa mirayninkuna kachkarqaku llaqtankupiña.
Llapa runakunam huk runa hinalla huñunakamurqaku Yakuman Lloqsina Zaguanpa ñawpaqninpi kaq plazapi chaymi Diospa yachachikuynin yachachiq Esdrasman nirqaku Moisespa qellqasqan yachachikuy librota apamunanpaq,
chay yachachikuytam Tayta Dios kamachirqa Israel runankunaman.
2 Qanchis kaq killapa punta kaq punchawninpim sacerdote Esdras apamurqa yachachikuy librota huñunasqa runakunaman,
qarikunaman,
warmikunaman hinaspa llapallan entiendey atiqkunaman.
3 Yakuman Lloqsina Zaguanpa ñawpaqninpi kaq plazapim chay librota leerqa llapallanpa ñawpaqninpi achikyaqmanta chawpi punchawkama.
Llapallan runakunam tukuy atencionwan uyarirqaku Diospa yachachikuynin libro leesqanta.
4 Diospa libronmanta yachachiq Esdrasñataqmi sayachkarqa chaypaq rurasqa tabladillopa hawanpi,
paypa alleq lawninpim sayachkarqa Matatias,
Sema,
Anias,
Urias,
Hilcias hinaspa Maasias.
Ichoq lawninpiñataqmi sayachkarqa Pedaias,
Misael,
Malquias,
Hasum,
Hasbadana,
Zacarias hinaspa Mesulam.
5 Librotamá Esdras kicharqa llapallan runakuna qawachkaptin,
payqa kachkarqa llapallan runakunamanta altoneqpim,
librota kichaykuptinmi llapallan runakuna sayarirqaku.
6 Chaynapim Esdras alabarqa hatun munayniyoq Tayta Diosta,
llapallan runakunañataqmi makinkuta hoqarispanku nirqaku:
—¡Chaynayá kachun,
chaynayá kachun!
—nispa.
Qonqoranpa pampaman kumuykuspankum Tayta Diosta adorarqaku.
7 Leviy casta runakunam Diospa yachachikuyninta runakunaman entiendechirqaku,
paykunam karqa Josuey,
Bani,
Serebias,
Jamin,
Acub,
Sabetai,
Hodias,
Maasias,
Kelita,
Azarias,
Jozabed Hanan hinaspa Pelaia.
Runakunañataqmi maymi kasqankupi sayachkarqaku.
8 Clarollatañam leerqaku Diospa yachachikuynin librota hinaspam entiendesqanku rimayman tikrarqaku chaynapi leesqankuta entiendenankupaq.
9 Prefecto Nehemiasmi,
Diospa yachachikuynin yachachiq sacerdote Esdraspiwan hinaspa runakuna entiendechiq Leviy castakunapiwan llapallan runakunata nirqaku:
—Yupaychasqanchik Tayta Diospaq sapaqchasqa punchawmi kunanqa,
amayá llakikuychikchu nitaq waqaychikchu —nispa.
Chaynataqa nirqaku llapallan runakuna Diospa yachachikuyninkunata uyarispa waqasqankuraykum.
10 Nirqakutaqmi:
—Rispaykichikyá allin mikuykunata mikumuychik,
uvasmanta upita tomamuychik,
apachiychiktaq mikunankupaq manaraq alistasqa kaqkunamanpas.
Señorninchikpaq sapaqchasqa punchawmi kunanqa,
amayá llakikuychikchu,
Tayta Diospa kusikuyninqa amparawaqninchik wasi hinam —nispa.
11 Leviy casta runakunapas waqaqkunata upallachispam nirqaku:
—Upallaychik,
kunanqa Diospaq sapaqchasqa punchawmi,
amayá llakikuychikchu —nispa.
12 Chaynapim llapallan runakuna rirqaku mikuq hinaspa tomaq,
chaynataq mikuyninkuta haywanakuspa sinchillataña kusikunankupaq.
Paykunam sumaqllataña entienderqaku tukuy uyarisqankuta.
Ramada sutiyoq fiestamanta
13 Paqarinnintin punchawñataqmi huñunakururqaku ayllukunapa llapallan jefenkuna,
sacerdotekuna hinaspa Leviy casta runakuna,
paykunaqa huñunakurqaku Diospa yachachikuynin yachachiq Esdraspa kasqanmanmi chaynapi Diospa yachachikuyninta entiendenankupaq.
14 Chay qellqasqa yachachikuypim tarirurqaku Moisesnintakama Diospa kamachikuyninta chaynapi qanchis kaq killapa hatun fiestanpi Israelpa mirayninkunaqa ramadakunapi yachanankupaq.
15 Chayta yacharuspankum llapallan llaqtakunapiwan Jerusalen llaqtapi willakurqaku:
—Orqokunaman rispaykichikyá apamuychik aceituna sachapa kallmankunata,
purun aceituna sachapa kallmankunata,
arrayanpa kallmankunata,
palmerapa kallmankunata hinaspa llapallan kallmasapa sachakunapa kallmankunata chaynapi qellqasqaman hina ramadakunata rurananchikpaq —nispa.
16 Rispankumá runakuna apamurqaku kallmakunata hinaspankum sapakama rurarqaku ramadakunata.
Rurarqakumá wasinkupa qatankunapi,
pationkupi,
Diospa templonpa pationkunapi,
Yakuman Lloqsina Zaguanpa plazanpi chaynataq Efrain sutiyoq zaguanpa plazanpipas.
17 Preso pusasqa kasqankumanta llapallan kutimuqkunam rurarqaku ramadakunata hinaspam chaypi yacharqaku,
Nunpa churin Josueypa tiemponmantaraqmi Israelpa mirayninkunaqa manaña chaynataqa rurarqakuchu chaymi chay rurasqankuwan ancha-anchata kusikurqaku.
18 Esdrasmi sapa punchaw leerqa Diospa yachachikuynin qellqata,
chaytaqa leerqa punta punchawmanta qallarispam fiesta tukuyninkama,
qanchis punchawnintinmá rurarqaku hatu-hatun fiestata,
pusaq kaq punchawpiñataqmi hatun huñunakuy karqa kamachikuyman hina.