Nehemiasmi churan kamachikuqkunata
7
Muralla qespiruptinmi punkunkunata churarqani,
churasqataqmi karqa punkukunawan cuentallikuqkunapas,
takiqkunapas chaynataq Leviy casta runakunapas.
2 Jerusalen llaqtapi gobiernananpaqmi churarqani wawqey Hananita,
churarqanitaqmi Hananiastapas,
paymi karqa Jerusalen llaqtapi gobierno wasipa jefen,
payqa karqa wakin runakunamantapas Dios respetaq confianza runam.
3 Paykunatam nirqani:
—Jerusalen llaqtapa punkunkunataqa amam kichankichikchu alto intikama,
llaqta cuidaqkuna puestonkupi kachkaptinraqmi punkukunataqa wichqaspa cerrojowan segurankichik.
Churankichiktaqmi Jerusalen llaqtapi yachaqkunamanta llaqta cuidaq runakunatapas.
Paykunapa wakinninmi cuidanqa maymi cuidanankupi,
wakinñataqmi cuidanqa wasinkupa chimpanpi.
4 Llaqtam hatu-hatun karqa aswanqa chaypi yachaqkunaqa asllam karqa tuñichisqa wasikunapas manaraq hatarichisqa kasqanrayku.
Zorobabelwan kutimuqkunamanta
5 Diosmi umayman churarqa reqsisqa runakunatawan gobiernaqkunata hinaspa llapallan runakunata huñunaypaq chaynapi sapakama ayllunkuman hina yupasqa kanankupaq,
tarirqanitaqmi ayllunkuman hina ñawpaq kutimuqkunapa listachikusqan librotapas,
chaypim kayna qellqasqa kasqa:
6 “Juda law llaqtayoqkunata Babilonia nacionpa reynin Nabucodonosorpa Babiloniaman preso apasqankunam kutimurqaku Jerusalen llaqtaman chaynataq Juda lawmanpas.
Sapakamam kutirqaku llaqtankuman.
7 Paykunam rirqaku Zorobabelwan,
Josueywan,
Nehemiaswan,
Azariaswan,
Raamiaswan,
Nahamaniwan,
Mardoqueowan,
Bilsanwan,
Misperetwan,
Bigvaiwan,
Nehunwan hinaspa Baanawan.
Chay kutiq Israel casta yupasqa runakunam kaykuna:
8 Parospa mirayninkunam karqa iskay waranqa pachak qanchis chunkan iskayniyoq.
9 Sefatiaspa mirayninkunam karqa kimsa pachak qanchis chunkan iskayniyoq.
10 Arapa mirayninkunam karqa soqta pachak pichqa chunkan iskayniyoq.
11 Pahat-moabpa mirayninkunam otaq Josueypa chaynataq Joabpa mirayninkunam karqa iskay waranqa pusaq pachaknin chunka pusaqniyoq.
12 Elampa mirayninkunam karqa waranqa iskay pachaknin pichqa chunka tawayoq.
13 Zatupa mirayninkunam karqa pusaq pachak tawa chunkan pichqayoq.
14 Zacaipa mirayninkunam karqa qanchis pachak soqta chunkan.
15 Binuypa mirayninkunam karqa soqta pachak tawa chunkan pusaqniyoq.
16 Bebaipa mirayninkunam karqa soqta pachak iskay chunkan pusaqniyoq.
17 Azgadpa mirayninkunam karqa iskay waranqa kimsa pachak iskay chunkan iskayniyoq.
18 Adonicampa mirayninkunam karqa soqta pachak soqta chunkan qanchisniyoq.
19 Bigvaipa mirayninkunam karqa iskay waranqa soqta chunkan qanchisniyoq.
20 Adinpa mirayninkunam karqa soqta pachak pichqa chunkan pichqayoq.
21 Ezequiaspa mirayninkunamanta kaq otaq Aterpa mirayninkunam karqa isqon chunka pusaqniyoq.
22 Hasumpa mirayninkunam karqa kimsa pachak iskay chunkan pusaqniyoq.
23 Bezaipa mirayninkunam karqa kimsa pachak iskay chunkan tawayoq.
24 Harifpa mirayninkunam karqa pachak chunka iskayniyoq.
25 Gabaonpa mirayninkunam karqa isqon chunka pichqayoq.
26 Belen hinaspa Netofa llaqtayoqkunam karqa pachak pusaq chunkan pusaqniyoq.
27 Anatot llaqtayoqkunam karqa pachak iskay chunkan pusaqniyoq.
28 Bet-azmavet llaqtayoqkunam karqa tawa chunka iskayniyoq.
29 Quiriat-jearim llaqtayoqkuna,
Cafira llaqtayoqkuna hinaspa Beerot llaqtayoqkunañataqmi karqa qanchis pachak tawa chunkan kimsayoq.
30 Rama llaqtayoqkuna hinaspa Geba llaqtayoqkunañataqmi karqa soqta pachak iskay chunkan hukniyoq.
31 Micmas llaqtayoqkunam karqa pachak iskay chunkan iskayniyoq.
32 Betel hinaspa Hai llaqtayoqkunañataqmi karqa pachak iskay chunkan kimsayoq.
33 Huknin Nebo llaqtayoqkunam karqa pichqa chunka iskayniyoq.
34 Huknin Elam llaqtayoqkunañataqmi karqa waranqa iskay pachaknin pichqa chunka tawayoq.
35 Harim llaqtayoqkunam karqa kimsa pachak iskay chunkan.
36 Jerico llaqtayoqkunam karqa kimsa pachak tawa chunkan pichqayoq.
37 Lod llaqtayoq,
Hadid llaqtayoq hinaspa Ono llaqtayoqkunañataqmi karqa qanchis pachak iskay chunkan hukniyoq.
38 Senaa llaqtayoqkunam karqa kimsa waranqa isqon pachaknin kimsa chunkan.
39 Josueypa ayllunmanta kaq Jedaiaspa miraynin sacerdotekunam karqa isqon pachak qanchis chunkan kimsayoq.
40 Sacerdote Imerpa mirayninkunam karqa waranqa pichqa chunkan iskayniyoq.
41 Sacerdote Pasurpa mirayninkunam karqa waranqa iskay pachaknin tawa chunka qanchisniyoq.
42 Sacerdote Harimpa mirayninkunam karqa waranqa chunka qanchisniyoq.
43 Hodavias ayllumanta kaq Josueypa chaynataq Cadmielpa miraynin Leviy casta runakunam karqa qanchis chunka tawayoq.
44 Asafpa mirayninmanta takiqkunam karqa pachak tawa chunkan pusaqniyoq.
45 Punkukunawan cuentallikuqkunam kaykuna:
Salumpa mirayninkuna,
Aterpa mirayninkuna,
Talmonpa mirayninkuna,
Acubpa mirayninkuna,
Hatitapa mirayninkuna hinaspa Sobaipa mirayninkuna.
Llapallanmi karqa pachak kimsa chunkan pusaqniyoq.
46 Templopi sirvientekunam karqa:
Zihapa mirayninkuna,
Hasufapa mirayninkuna,
Tabaotpa mirayninkuna,
47 Querospa mirayninkuna,
Siahapa mirayninkuna,
Padonpa mirayninkuna,
48 Lebanapa mirayninkuna,
Hagabapa mirayninkuna,
Salmaipa mirayninkuna,
49 Hananpa mirayninkuna,
Gidelpa mirayninkuna,
Gaharpa mirayninkuna,
50 Reaiapa mirayninkuna,
Rezinpa mirayninkuna,
Necodapa mirayninkuna,
51 Gazampa mirayninkuna,
Uzapa mirayninkuna,
Paseahpa mirayninkuna,
52 Besaipa mirayninkuna,
Meunimpa mirayninkuna,
Nefusimpa mirayninkuna,
53 Bacbucpa mirayninkuna,
Hacufapa mirayninkuna,
Harhurpa mirayninkuna,
54 Bazlutpa mirayninkuna,
Mehidapa mirayninkuna,
Harsapa mirayninkuna,
55 Barcospa mirayninkuna,
Sisarapa mirayninkuna,
Temapa mirayninkuna,
56 Neziapa mirayninkuna hinaspa Hatifapa mirayninkuna.
57 Salomonpa sirvientenkunapa mirayninkunam karqa:
Sotaipa mirayninkuna,
Soferetpa mirayninkuna,
Perudapa mirayninkuna,
58 Jaalapa mirayninkuna,
Darconpa mirayninkuna,
Gidelpa mirayninkuna,
59 Sefatiaspa mirayninkuna,
Hatilpa mirayninkuna,
Poqueret-hazebaimpa mirayninkuna hinaspa Amonpa mirayninkuna.
60 Templopi llapallan sirvientekunapiwan Salomonpa sirvientekunapa mirayninkunam karqa kimsa pachak isqon chunkan iskayniyoq.
61 Tel-mela llaqtamanta,
Tel-harsa llaqtamanta,
Querub llaqtamanta,
Adon llaqtamanta hinaspa Imer llaqtamanta hamuqkunam mana allintachu yacharqaku taytankupa ayllunkunamanta nitaq castankumantapas.
Chaynapim Israel casta kasqankumanta iskayrayarqaku.
Paykunam karqa:
62 Delaiapa mirayninkuna,
Tobiaspa mirayninkuna hinaspa Necodapa mirayninkuna,
llapallankum karqa soqta pachak tawa chunkan iskayniyoq.
63 Wakin sacerdotekunapa mirayninkunam karqa:
Habaiapa mirayninkuna,
Cospa mirayninkuna hinaspa Barzilaipa mirayninkuna.
Kay Barzilaimi casarakurqa Galaad lawmanta kaq Barzilaipa huknin warmi churinwan,
chayraykum suegronpa sutinwan sutichakurqa.
64 Paykunam maskarqaku listapi abuelonkunapa sutinta ichaqa manam tarirqakuchu,
chayraykum manaña chaskisqachu karqaku sacerdote kanankupaq.
65 Chayraykum prefecto nirqa paykunata:
“Amam mikunkichikraqchu Diospaq sapaqchasqa mikuykunataqa urimtawan tumimta sacerdote choqaspa Diosta tapunankama” —nispa.
66 Llapallan huñunasqa runakunam karqaku tawa chunka iskayniyoq waranqa kimsa pachak soqta chunkan.
67 Sirvientekunawan sirvientakunataqa manam yuparqakuchu paykunawan kuskataqa,
paykunam karqaku qanchis waranqa kimsa pachaknin kimsa chunka qanchisniyoq,
karqataqmi warmipas qaripas iskay pachak tawa chunkan pichqayoq takiqkuna.
68 Caballokunam karqa qanchis pachak kimsa chunkan soqtayoq,
mulakunam karqa iskay pachak tawa chunkan pichqayoq,
69 Camellokunam karqa tawa pachak kimsa chunkan pichqayoq,
asnokunañataqmi karqa soqta waranqa qanchis pachak iskay chunkan.
70 Wakin jefekunam obrapaq ofrendata qorqaku,
prefectom templopi qori- qollqe waqaychaqman qorqa pusaq kilo qorita,
pichqa chunka medianokunata,
qorqataqmi sacerdotekunapaq pichqa pachak kimsa chunkan pachakunatapas.
71 Jefekunam templopi qori-qollqe waqaychaqman qorqaku pachak soqta chunkan kilo qoritawan waranqa iskay pachak chunkan kilo qollqeta.
72 Wakin runakunañataqmi qorqaku soqta chunka qoritawan waranqa pachaknin kilo qollqeta,
qorqakutaqmi sacerdotepaq soqta chunka qanchisniyoq pachakunatapas.
73 Llaqtankupim yacharqaku sacerdotekuna,
Leviy casta runakuna,
punkukunawan cuentallikuqkuna,
takiqkuna,
llaqta runakuna,
templopi sirvientekuna hinaspa Israel llapallan castakuna.”