Leviy casta sacerdotekunamanta
6
Leviypa churinkunam karqa Gerson,
Coat hinaspa Merari.
2 Coatpa churinkunam karqa Amram,
Izhar,
Hebron hinaspa Uziel.
3 Amrampa churinkunam karqa Aaron,
Moises hinaspa Maria.
Aaronpa churinkunam karqa Nadab,
Abiu,
Eleazar hinaspa Itamar.
4 Eleazarmi karqa Fineespa taytan,
Fineesmi karqa Abisuapa taytan,
5 Abisuam karqa Buquipa taytan,
Buquim karqa Uzipa taytan,
6 Uzim karqa Zeraiaspa taytan,
Zeraiasmi karqa Meraiotpa taytan,
7 Meraiotmi karqa Amariaspa taytan,
Amariasmi karqa Ahitobpa taytan,
8 Ahitobmi karqa Sadocpa taytan,
Sadocmi karqa Ahimaaspa taytan,
9 Ahimaasmi karqa Azariaspa taytan,
Azariasmi karqa Johananpa taytan,
10 Johananmi karqa Azariaspa taytan.
Chay Azariasmi sacerdote karqa Jerusalen llaqtapi Salomonpa rurachisqan templopi.
11 Azariasmi karqa Amariaspa taytan,
Amariasmi karqa Ahitobpa taytan,
12 Ahitobmi karqa Sadocpa taytan,
Sadocmi karqa Salumpa taytan,
13 Salunmi karqa Hilciaspa taytan,
Hilciasmi karqa Azariaspa taytan,
14 Azariasmi karqa Seraiaspa taytan,
Seraiasñataqmi karqa Josadacpa taytan.
15 Josadacmi preso pusasqa karqa Juda nacionpi hinaspa Jerusalen llaqtapi kaqkunata Nabucodonosorwan Tayta Dios presota pusachiptin.
Leviy castapa mirayninkunamanta
16 Leviypa churinkunam karqa Gerson,
Coat hinaspa Merari.
17 Gersonpa churinkunam karqa Libniwan Simei.
18 Coatpa churinkunam karqa Amram,
Izhar,
Hebron hinaspa Uziel.
19 Miraripa churinkunam karqa Mahalipiwan Musi.
Leviy ayllu runakunam taytankupa mirayninman hina kayna karqa:
20 Gersonpa churinmi karqa Libni,
Libnipa churinmi karqa Jahat,
Jahatpa churinmi karqa Zima,
21 Zimapa churinmi karqa Joa,
Joapa churinmi karqa Ido,
Idopa churinmi karqa Zara,
Zarapa churinñataqmi karqa Jeatrai.
22 Coatpa churinmi karqa Aminadab,
Aminadabpa churinmi karqa Corey,
Coreypa churinmi karqa Asir,
23 Asirpa churinmi karqa Elcana,
Elcanapa churinmi karqa Ebiasaf,
Ebiasafpa churinmi karqa Asir,
24 Asirpa churinmi karqa Tahat,
Tahatpa churinmi karqa Uriel,
Urielpa churinmi karqa Uzias,
Uziaspa churinñataqmi karqa Saul.
25 Elcanapa churinmi karqa Amasaiwan Ahimot,
26 Ahimotpa churinmi karqa Elcana,
Elcanapa churinmi karqa Zofai,
Zofaipa churinmi karqa Nahat,
27 Nahatpa churinmi karqa Eliab,
Eliabpa churinmi karqa Jeroham,
Jerohampa churinñataqmi karqa Elcana.
28 Samuelpa churinkunañataqmi karqa piwi churin Vasniwan qatiqnin Abias.
29 Meraripa churinmi karqa Mahli,
Mahlipa churinmi karqa Libni,
Libnipa churinmi karqa Simei,
Simeipa churinmi karqa Uza,
30 Uzapa churinmi karqa Simea,
Simeapa churinmi karqa Haguia,
Haguiapa churinñataqmi karqa Asaias.
Templopaq Davidpa churasqan takiqkunamanta
31 Tayta Diospa wasinpiña paypa baulnin karuptinmi David churarqa takikunamanta cuentallikuq runakunata.
32 Paykunam Diosman asuykuna karpapa ñawpaqninpi takirqaku,
chaynatam rurarqaku Jerusalen llaqtapi Tayta Diospa templonta Salomon ruranankama,
paykunaqa chaynatamá rurarqaku imaynam ruranankuman hina.
33 Churinkunapiwan chaypi takiqkunam karqa Coatpa mirayninmanta Heman sutiyoq takiq runa,
paypa taytanmi karqa Joel,
Joelpa taytanñataqmi karqa Samuel,
34 Samuelpa taytanñataqmi karqa Elcana,
Elcanapa taytanñataqmi karqa Jeroham,
Jerohampa taytanñataqmi karqa Eliel,
Elielpa taytanñataq Toa.
35 Toapa taytanñataqmi karqa Zuf,
Zufpa taytanñataqmi karqa Elcana,
Elcanapa taytanñataqmi karqa Mahat,
Mahatpa taytanñataqmi karqa Amasai,
36 Amasaipa taytanñataqmi karqa Elcana,
Elcanapa taytanñataqmi karqa Joel,
Joelpa taytanñataqmi karqa Azarias,
Azariaspa taytanñataqmi karqa Sofonias,
37 Sofoniaspa taytanñataqmi karqa Tahat,
Tahatpa taytanñataqmi karqa Asir,
Asirpa taytanñataqmi karqa Ebiasaf,
Ebiasafpa taytanñataqmi karqa Corey,
38 Coreypa taytanñataqmi karqa Izhar,
Izharpa taytanñataqmi karqa Coat,
Coatpa taytanñataqmi karqa Leviy,
Leviypa taytanñataqmi karqa Israel.
39 Heman sutiyoq runapa alleq lawninpiñataqmi kachkarqa takiqmasin Asaf,
Asafpa taytanmi karqa Berequias,
Berequiaspa taytanñataqmi karqa Simea,
40 Simeapa taytanñataqmi karqa Micael,
Micaelpa taytanñataqmi karqa Baasias,
Baasiaspa taytanñataqmi karqa Malquias,
41 Malquiaspa taytanñataqmi karqa Etni,
Etnipa taytanñataqmi karqa Zera,
Zerapa taytanñataqmi karqa Adaia,
42 Adaiapa taytanñataqmi karqa Etan,
Etanpa taytanñataqmi karqa Zima,
Zimapa taytanñataqmi karqa Simei,
43 Simeipa taytanñataqmi karqa Jahat,
Jahatpa taytanñataqmi karqa Gerson,
Gersonpa taytanñataqmi karqa Leviy.
44 Heman sutiyoq runapa ichoq lawninpiñataqmi kachkarqa Meraripa mirayninmanta kaq takiqmasin,
payqa karqa Quisipa churin Etanmi,
Quisipa taytanñataqmi karqa Abdi,
Abdipa taytanñataqmi karqa Maluc,
45 Malucpa taytanñataqmi karqa Hasabias,
Hasabiaspa taytanñataqmi karqa Amasias,
Amasiaspa taytanñataqmi karqa Hilcias,
46 Hilciaspa taytanñataqmi karqa Amsi,
Amsipa taytanñataqmi karqa Bani,
Banipa taytanñataqmi karqa Semer,
47 Semerpa taytanñataqmi karqa Mahli,
Mahlipa taytanñataqmi karqa Musi,
Musipa taytanñataqmi karqa Merari,
Meraripa taytanñataqmi karqa Leviy.
48 Leviypa wakin castankunañataqmi churasqa karqaku Diospa yachanan wasipi tukuy imata ruranankupaq.
49 Aaronwan miraynillanmi Diospa serviqnin Moisespa kamachisqanman hina kañarqaku altarpi ofrendakunata,
paykunallataqmi presentarqaku incienso kañananku altarpipas.
Paykunallataqmi rurarqaku “Chuyay-chuyay” sitiopi ruranakunatapas,
chaynapimá Israel runakunapa huchankuta pampachachiqku.
Aaronpa mirayninkunamanta
50 Aaronpa churinmi karqa Eleazar,
Eleazarpa churinmi karqa Finees,
Fineespa churinñataqmi karqa Abisua.
51 Abisuapa churinñataqmi karqa Buqui,
Buquipa churinñataqmi karqa Uzi,
Uzipa churinñataqmi karqa Zeraias,
52 Zeraiaspa churinñataqmi karqa Meraiot,
Meraiotpa churinñataqmi karqa Amarias,
Amariaspa churinñataqmi karqa Ahitob,
53 Ahitobpa churinñataqmi karqa Sadoc,
Sadocpa churinñataqmi karqa Ahimaas.
Leviy casta runakunapa llaqtankunamanta
54 Aaron casta runakunamanmi yachananku llaqtakuna suerteman hina puntata tocarqa,
Aaronqariki karqa Coatpa mirayninmanta kaqmi.
Aaronpa mirayninpa yachanan llaqtakunawan linderokunam kayna karqa:
55 Paykunamanmá qorqaku Juda law Hebron llaqtatawan muyuriqninpi echaderokunatapas.
56 Hebron llaqtapa chacrankunatawan taksa llaqtachankunatam ichaqa qorqaku Jefonepa churin Calebman.
57 Chaynaqa Aaronpa mirayninkunamanmá qorqaku amparakuna Hebron llaqtata.
Qorqakutaqmi Libna llaqtatapas,
Jatir llaqtatapas chaynataq Estemoa llaqtatapas echaderontintakama.
58 Qorqakutaqmi Hilen llaqtatapas,
Debir llaqtatapas echaderontintakama,
59 chaynataq Asan llaqtatapas,
Bet-semes llaqtatapas echaderontintakama.
60 Aaronpa miraynin runakunamanqa qoykurqakutaqmi Benjamin casta runakunapa llaqtankunatapas,
chay llaqtakunam kaykuna:
Geba,
Alemet,
Anatot echaderonkunapiwan.
Chunka kimsayoqmi karqa Aaronpa familianman tocaq llaqtakunaqa.
61 Coatpa wakin mirayninmanmi suertepa tocasqanman hina qorqaku chunka llaqtakunata,
chay chunkantin llaqtakunaqa karqa parten Manases ayllupam.
62 Gersonpa mirayninmanñataqmi familiankunaman hina qorqaku chunka kimsayoq llaqtakunata,
chay llaqtakunaqa karqa Isacar ayllupam,
Aser ayllupam,
Neftaliy ayllupam hinaspa Basan lawpi kaq parten Manases ayllupa llaqtankunam.
63 Meraripa mirayninmanñataqmi familiankuman hina suerteaspa qorqaku chunka iskayniyoq llaqtakunata,
chay llaqtakunaqa karqa Ruben ayllupa,
Gad ayllupa hinaspa Zabulon ayllupa llaqtankunam.
64 Israelpa mirayninkunamá qorqaku Leviy castakunaman llaqtakunata echaderontinta.
65 Suerteaspam chay llaqtakunataqa qorqaku,
qorqakumá Juda ayllupa yachanan lawpi kaqkunatapas,
Simeon ayllupa yachanan lawpi kaqkunatapas chaynataq Benjamin ayllupa yachanan lawpi kaqkunatapas.
66 Coat casta familiakunamanpas qorqakutaqmi Efrain ayllupa llaqtankunata echaderontinta.
67 Qorqakutaqmi Efrain Orqokunapi amparakunanku Siquem llaqtatapas hinaspa Gezer llaqtatapas echaderontintakama.
68 Qoykurqakutaqmi Jocmeam llaqtatapas,
Bet-horon llaqtatapas,
69 Ajalon llaqtatapas hinaspa Gat-rimon llaqtatapas echaderontintakama.
70 Coatpa puchuq familiankunamanmi qoykurqaku Aner sutiyoq llaqtatawan Bileam sutiyoq llaqtata echaderontintakama.
Chay llaqtakunaqa karqa parten Manases ayllupam.
71 Gersonpa mirayninmanñataqmi qorqaku Basan lawpi Golan llaqtatawan Astarot llaqtata echaderontintakama,
chay llaqtakunaqa karqa parten Manases ayllupa llaqtankunam.
72 Qoykurqakutaqmi Isacar ayllupa llaqtankunatapas echaderontintakama,
chay llaqtakunam karqa Cedes llaqta,
Daberat llaqta,
73 Ramot llaqta hinaspa Anem llaqta.
74 Paykunamantaqmi qorqaku Aser ayllupa llaqtankunatapas echaderontintakama,
chay llaqtakunam karqa:
Masal llaqta,
Abdon llaqta,
75 Hucoc llaqta hinaspa Rehob llaqta.
76 Qoykurqakutaqmi Neftaliy ayllupa llaqtankunatapas echaderontintakama,
chay llaqtakunam karqa Galilea lawpi Cedes llaqta,
Hamon llaqta hinaspa Quiriataim llaqta.
77 Meraripa puchuq mirayninmanñataqmi qorqaku Zabulon ayllupa llaqtankunata echaderontintakama,
chay llaqtakunam karqa Rimon hinaspa Tabor.
78 Qorqakutaqmi Ruben ayllupa llaqtankunatapas echaderontintakama,
chay llaqtakunaqa karqa Jerico llaqtapa intipa qespimunan lawninpim otaq Jordan Mayupa waklaw chimpanpim,
chay llaqtakunam karqa:
chunniq lawpi Beser llaqta,
Jaza llaqta,
79 Cademot llaqta hinaspa Mefaat llaqta.
80 Paykunamantaqmi qorqaku Gad ayllupa llaqtankunatapas echaderontintakama,
chay llaqtakunam karqa Galaad lawpi Ramot llaqta,
Mahanaim llaqta,
81 Hesbon llaqta hinaspa Jazer llaqta.