2 Tolapa churinkunam karqa Uzi,

Refaias,

Jeriel,

Jahmai,

Jibsam hinaspa Semuel.

Paykunam karqaku Tola castakunapa kamachiqninkuna,

chaynataqmi paykunaqa karqaku castanku hina valeroso soldadokuna.

Davidpa tiemponpim karqaku iskay chunka iskayniyoq waranqa soqta pachaknin runakuna.

3 Uzipa churinmi karqa Israhias.

Israhiaspa churinkunam karqa Micael,

Obadias,

Joel hinaspa Isias.

Paykunaqa pichqantinmi karqaku kamachikuqkuna.

4 Paykunaqa castankuman hinam karqaku guerrapaq hina kimsa chunka soqtayoq waranqa tropakuna,

paykunaqa llapallanku warmiyoq kasqankuraykum chaynataq churisapallaña kasqankuraykum chayna achka-achka karqaku.

5 Chaynaqa Isacar ayllupa llapallan familiankunamanta valeroso soldadokunam karqa pusaq chunka qanchisniyoq waranqa,

chayna listasqaqa karqaku lliw familiankuman hinam.

6 Benjaminpa kimsa churinkunam karqa Bela,

Bequer hinaspa Jediael.

7 Bela sutiyoq runapa pichqa churinkunam karqa Ezbon,

Uzi,

Uziel,

Jerimot hinaspa Iri,

paykunaqa pichqantinmi karqaku castanku ukupi kamachikuqkuna,

paykunaqa karqaku iskay chunka iskayniyoq waranqa kimsa chunkan tawayoq valeroso soldadokunam familiankunaman hina listasqa.

8 Bequerpa churinkunañataqmi karqa Zemira,

Joas,

Eliezer,

Elioenai,

Omri,

Jerimot,

Abias,

Anatot hinaspa Alamet.

Paykunamá karqaku Bequerpa llapallan churinkuna.

9 Chaynaqa familiankupa listanman hinaspa castanku ukupi kamachikuq kasqankuman hinaqa paykunam karqaku iskay chunka waranqa iskay pachaknin valeroso soldadokuna.

10 Jediael sutiyoq runapa churinñataqmi karqa Bilhan.

Bilhanpa churinkunam karqa Jeus,

Benjamin,

Aod,

Quenaana,

Zetan,

Tarsis hinaspa Ahisahar.

11 Paykunaqa llapallankum Jedielpa churinkuna karqaku.

Castanku ukupi kamachikuqkuna kaspankum guerrapaq hina karqa chunka qanchisniyoq waranqa iskay pachaknin valeroso soldadokuna.

12 Hir sutiyoq runapa mirayninkunam karqa Sufam casta runakunawan Hufam casta runakuna,

Husim casta runakunañataqmi karqa Aherpa mirayninkuna.

13 Neftaliypa churinkunam karqa Jahzeel,

Guni,

Jezer hinaspa Salum.

Paykunaqa karqa Bilha sutiyoq warmipa willkankunam.

14 Manasespa churinmi karqa Maquir,

Maquirqa karqa Manasespa churinmi otaq Aram nacionniyoq compañeranpi churinmi,

Maquirqariki karqa Galaadpa taytanmi,

Galaadñataqmi karqa Asrielpa taytan.

15 Maquir sutiyoq runam casarakurqa Maaca sutiyoq warmiwan,

chay warmiqa karqa Hufam hinaspa Sufam runakunapa ayllunmi.

Maquirpa huknin churinñataqmi karqa Zelofehad,

paypa churinkunaqa karqa warmikunallam.

16 Maquirpa warmin Maacam wachakururqa qari wawata,

chay wawatam suticharqa Pereswan,

Perespa wawqenñataqmi karqa Seres.

Perespa churinkunam karqa Ulam hinaspa Requem.

17 Ulampa churinmi karqa Bedan.

Chaynaqa paykunamá karqa Galaadpa hinaspa Maquirpa mirayninkuna,

Maquirpa taytanmi karqa Manases.

18 Maquirpa panin Hamolequet sutiyoq warmipa wawankunam karqa Isod,

Abiezer hinaspa Mahala.

19 Semida sutiyoq runapa churinkunam karqa Ahian,

Siquem,

Likhi hinaspa Aniam.

20 Efrainpa churinmi karqa Sutela,

Sutelapa churinñataqmi karqa Bered,

Beredpa churinñataqmi karqa Tahat,

Tahatpa churinñataqmi karqa Elada,

Eladapa churinñataqmi karqa Tahat,

21 Tahatpa churinñataqmi karqa Zabad,

Zabadpa churinñataqmi karqa Sutela.

Efrainpa churin Ezertawan Eladtam wañurachirqaku Gat lawpi naceq runakuna,

chaynataqa wañurachirqaku animalninkuta qechuq hamusqankuraykum.

22 Chaymi taytanku Efrain unay tiempo llakisqallaña karqa hinaptinmi castamasinkuna rispanku consuelarqaku.

23 Chaymantam warminwan puñuruptin wiksayakuruspa wachakurqa huk qari wawata,

chay wawatam suticharqaku ^aBeriawan wasinpi llaki karusqanrayku.

24 Beria sutiyoq runapa warmi churinmi karqa Seera,

paymi Uray Bet-horon llaqtata chaynataq Hanay Bet-horon llaqtatapas hatarichirqa,

hatarichirqataqmi Uzen-seera llaqtatapas.

25 Beriapa churinmi karqa Refa,

Refapa churinmi karqa Resef,

Resefpa churinñataqmi karqa Telah,

Telahpa churinñataqmi karqa Tahan,

26 Tahanpa churinñataqmi karqa Laadan,

Laadanpa churinñataqmi karqa Amiud,

Amiudpa churinñataqmi karqa Elisama,

27 Elisamapa churinñataqmi karqa Nun,

Nunpa churinñataqmi karqa Josuey.

28 Efrain miray runakunapa tocancia yachanankum karqa Betel llaqta intipa qespimunan lawpi Naaran llaqta,

intipa seqaykunan lawpi Gezer llaqta hinaspa Siquem llaqta,

chaynaqa karqa Ayah llaqtakamam llaqtachantinkama.

29 Manases ayllupa makinpiñataqmi karqa Bet-sean llaqta,

Taanac llaqta,

Meguido llaqta hinaspa Dor llaqta llaqtachantinkama.

Chay llaqtakunapim yacharqa Israelpa churin Joseypa mirayninkuna.

30 Aserpa churinkunam karqa Imna,

Isua,

Isui,

Beria hinaspa paykunapa panin Sera.

31 Beriapa churinmi karqa Heberpiwan Malquiel.

Malquielmi karqa Birzavitpa taytan.

32 Herberpa churinkunañataqmi karqa Jaflet,

Semer,

Hotam hinaspa paykunapa panin Sua sutiyoq warmi.

33 Jafletpa churinkunam karqa Pasac,

Bimhal hinaspa Asvat.

Paykunamá karqa Jafletpa churinkuna.

34 Semerpa churinkunam karqa Ahi,

Rohga,

Jehuba hinaspa Aram.

35 Wawqen Helempa churinkunañataqmi karqa Zofa,

Imna,

Seles hinaspa Amal.

36 Zofapa churinkunam karqa Sua sutiyoq runa,

Hernefer,

Sual,

Beri,

Imra,

37 Beser,

Hod,

Sama,

Silsa,

Itran hinaspa Beera.

38 Jeterpa churinkunañataqmi karqa Jefone,

Pispa hinaspa Ara.

39 Ulapa churinkunam karqa Ara,

Haniel hinaspa Rezia.

40 Llapallankum karqaku Aserpa mirayninkuna.

Paykunaqa karqa familianku ukupi kamachikuqkunam chaynataq allinnin valeroso soldadokunam chaynataq allin reqsisqa runakunam.

Paykunaqa castankupa listanman hinam karqaku guerrapaq hina iskay chunka soqtayoq waranqa soldadokuna.