1 ဒေါ ဝီ လေး ဇဝ် ယေဆူ ခူပ် ဘ့လဲင် ယောဒါန် တွိုန်၊ နဝ်း ဖွိုမ် ဇဝ်ဖြာ ဟဲ့ နုဝ့် ခဲင် နဝ်း အန်။ နဝ်း ဖွိုမ် ဇဝ်ဖြာ တီ ဝီ ဆုတ့် ဇဝ် ယေဆူ ဟာဝ် ခဲင် ပြဲ ကာဟဝ်း။ 2 ဒေါ ကွယ် အန် ခဲင် ပြဲ ကာဟဝ်း အာဒါ ဖွုန် ဂိုဝ် ဆီငဲ၊ ဘုဝ် ကာနမ် တး ဒူင် ကွယ် အန်၊ ကာဆုး အန် ဘူင် မှာပ်။ ဖွုန် ဂိုဝ် ဆီငဲ တီ၊ အန် တူ ဟူမ် မာဆေ။ ခုဝ်၊ အန် ကာပြာန့် ပီ ဒီ ဟူမ်။

3 ဘုဝ် ကာနမ် ယီ ကာလာင် ဂြုဝ်း ဒီ အန် တဝ်း၊ “အိုယ်၊ ဆေ န့ မှာန် မုး မဲ ဂွန် ဇဝ်ဖြာ၊ တဲး မဲ ကာလာင်၊ တဲး မာဝ် နီ ဝီ ဘဲန် ပီ ဒီ ဟူမ် မဲ။”

4 အန် ဟဲ့ ဟွတ့် ကာလာင် ပါယ် တီ၊ ဇဝ် ယေဆူ ဝီ ဝျီ့ ဂြုဝ်း တီ။ အန် တဝ်း၊ “ခဲင် ဘပ် ဇဝ်ဖြာ န့ တဝ်း၊ ‘ဆေ ဒူအီ မိုဝ်း မီ ပီ ဒီ ဟူမ် အူ မျုဝ်၊ အာဝ် ဂ့လိုမ်။ န့ ဆီ လုဝ် ပေါ န့ ပွါ။’”

5 ဝါယ် အန် တီ ဘုဝ် ကာနမ် ဝီ တိုယ် ဇဝ် ယေဆူ၊ တဲး အန် ဇမ် ဒူင် စာ ကာဆဝ် အူ ပ့လုဝ့်၊ တဲး အန် ယွတ် မာန် မိူင် ဒွန် ပ့လုဝ့် ဒဲင် ကာဒါယ် နီ။ 6 ဘုဝ် ကာနမ် ဝီ တဝ်း၊ “တဲး မဲ ယွတ် အာတီ ဒွန် မျုဝ်။ ဘော ကြုဝ်ကြာမ် တီ၊ ဘော ပွုန် ဘော အာဖုင် ဒင်ခုဝ် အန်၊ အုဝ် ဒီ ဒွါ တူတ့် ဒီ မဲ။ ဇိုဝ် တီ ဒွန် မျုဝ်၊ န့ မုး အုဝ် အီ အိုပ် တူတ့်။ အုဝ် ဘော အိုင် ဒီ ဒွါ ဒီ အာဆေ၊ အုဝ် ဟဲ့ ပွိုန် ဒွါ ဒီ ဝီ တီ။ 7 ဆေ မဲ ဘော ကြိုပ် အုဝ်၊ ပီ ယိုဝ် မဲ တီ ဒွန် မျုဝ်၊ န့ ဒီ ဘဲန် ကြုဝ် မဲ။”

8 အန် ဟဲ့ ဟွတ့် တဝ်း ပါယ် တီ၊ ဇဝ် ယေဆူ ဝီ တဝ်း ဒီ အန်၊ “ခဲင် ဘပ် ဇဝ်ဖြာ ဟဲ့ ဒဲမ် အုန် ပါယ် နီ။ န့ တဝ်း၊ ‘ဘေ လုဝ် ကြိုပ် မီ ဇဝ်ဖြာ၊ အီ မုး ဇဝ်ဖြာ ပီ ကြိုပ် ဘေ။ ဘေ လုဝ် ဘူင် ဂါန် ဇဝ်ဖြာ အူ ကာဒင် တီ၊ ကွဲ့ ကြိုပ် ပေါ ကာဒင်။’”

9 အန် ဟဲ့ ဟွတ့် ကာလာင် ပါယ် တီ၊ ဘုဝ် ကာနမ် ဝီ တိုယ် ဇဝ် ယေဆူ ဟာဝ် ဇမ် ခဲင် မိူင် ယေရူဆာလဲမ်၊ တဲး အန် ကွယ် ဒဲင် ကာတု ဟုဝ် ဇဝ်ဖြာ။ အန် ဘော တဝ်း ဒီ ဇဝ် ယေဆူ၊ “ဆေ ဟဲ့ မှာန်၊ မုး မဲ ဂွန် ဇဝ်ဖြာ၊ တဲး မဲ ဘုင်ဘ့လုး ဘျွာ ဒူင် ကွယ် မဲ နီ။ 10 ခုဝ်၊ ခဲင် ဘပ် ဇဝ်ဖြာ န့ ဟဲ့ ဒဲမ် အုန် တဝ်း၊

12 ဇဝ် ယေဆူ ဝီ တဝ်း၊ “ခဲင် ဘပ် ဇဝ်ဖြာ န့ ဘော ဒဲမ် အုန် ပါယ် နီ။ န့ တဝ်း၊ ‘ကွဲ့ ထေဝ် နဝ်း ဇဝ်ဖြာ၊ အီ မုး ဇဝ်ဖြာ ပီ ကြိုပ် မဲ။’”

13 ဘုဝ် ကာနမ် ဟဲ့ ဟွတ့် ထေဝ် နဝ်း ဇဝ် ယေဆူ ဘဲန် မျုဝ် ဘဲန် မျုဝ်၊ အန် ဝီ လေး ဟာဝ် ဒူင် ကွယ် ဇဝ် ယေဆူ။ အန် ဘော နှဝ့် ဘ်ု ဒီ ယွတ် ဆီငဲ မှဝ် အန် ဒီ ဝီ ပွိုန် ဒီ ထေဝ် နဝ်း ဇဝ် ယေဆူ။

14 ဝါယ် အန် တီ ဇဝ် ယေဆူ ဝေန့် ခဲင် အိူင် ဂါလီလေ။ အန် မိူဝ် မိုဝ်း ပွုန် ပီ ဒွါ နဝ်း ဖွိုမ် ဇဝ်ဖြာ ဒီ အန်။ ဆာဒါင် လွင် ပီ ဘူင် ပီ တဝ်း အန်၊ န့ ဘော ဘြဲ ဟာဝ် ဒွန် ပ့လုဝ့်၊ တဲး ဒူအီ ခဲင် မိူင် ဘော မိူင် ကော နပ် လွင် အန်။ 15 ဇဝ် ယေဆူ ယီ ဟာဝ် ဘဲန် မိူင် ဘဲန် မိူင်၊ မာနုဝ် ဒူအီ ခဲင် ဇူင် ကြိုပ် ဂေ ဒူအီ အာယူဒါ ဇဝ်ဖြာ။ ဂေ ဒူအီ ဒွန် အီ ဘော အိူပ် အန်။

16 ဒေါ အန် တီ ဇဝ် ယေဆူ ဝေန့် ခဲင် မိူင် နာဆာရေတ့်၊ မုး မိူင် ဒူင် ကွယ် အန် ဆိန့် ဒီတဲတ် အန်။ ဘော ဇမ် ဆီငဲ ဒီလှဝ်၊ အန် ဟုဝ့် ဒီ ဇူင် ကြိုပ် ဂေ ဒူအီ အာယူဒါ ဇဝ်ဖြာ တဲး န့ ပီ ပီ ဘူင် အန် ဆေဆေ။ အန် ဘော ယိတ့် တိး ထမ် ခဲင် ဘပ် ဇဝ်ဖြာ။ 17 ဒဲစေန့် အီ လိုမ်လာ ဘပ် ဇဝ်ဖြာ ခဲင် ဇူင် တွိုန် ဘော အာပ် ဘပ် ဒီ အန်။ န့ မုး ဘပ် ပီ ဒဲမ် အာအီဆာယ အီ မုး ဒူအီ အီ ဘျာန် ဂြုဝ်း ဇဝ်ဖြာ ဒေါ မွိုန်။ ဇဝ် ယေဆူ ဝီ ဝိုဝ်း ဘပ် တွိုန်၊ ဝီ ဟြေတ့် ဘော ယိုဝ် ပ့လုဝ့် အီ ဒဲမ် အုန် ပါယ် နီ၊

20 အန် ဟဲ့ ဟွတ့် တိး၊ အန် ဘော ဝီ ဒွါ ဘပ် ဒီ ဒူအီ အီ လိုမ်လာ ဘပ် ဇဝ်ဖြာ။ ဟဲ့ ဟွတ့် အန် ဝီ တုတ့် ဒူင် ကွယ် အန်။ ဂေ ဒူအီ အီ ကွယ် ခဲင် ဇူင် ကြိုပ် ဂေ ဒူအီ အာယူဒါ ဇဝ်ဖြာ၊ ဂေ ယွတ် ဆီချာ အန်။ 21 ဇဝ် ယေဆူ စုး ဒီ ကာလာင် ဒီ ဂေ။ အန် တဝ်း၊ “ဂြုဝ်း ဇဝ်ဖြာ ပဲ့ ဟဲ့ ထူမ် ဘေ တီ၊ အာတိုဝ် နီ ဟဲ့ ဘဲန် တူတ့် ပီ တဝ်း ဇဝ်ဖြာ ဒီ ဘေ။”

22 ဂေ ဒူအီ အီ ထူမ် ပီ တဝ်း အန်၊ ဂေ ဘော အာမ် လွင် ဂြုဝ်း မွှိုမ် ပီ ကာလာင် အန် ဒွန် မျုဝ်။ ဂေ ယီ တဝ်း၊ “ဒူအီ တီ မုး ဂွန် အာယုဝ်ဆဲပ်၊ အာဝ် မုး။း”

23 ဇဝ် ယေဆူ ဝီ တဝ်း ဒီ ဂေ၊ “ဘေ နပ် ဒီ ကာလာင် ဂြုဝ်း ထုင် အီ တဝ်း၊ ‘ဆေ မဲ မုး ဆာရာဝူန်၊ တဲး မဲ ဆီနမ် ဒုဝ် မဲ၊ တဲး မဲ ကဲန် အဲ ဒီ အာတ့်။’ ဘေ ဒီ ဘော တဝ်း၊ ‘ယေ ဟဲ့ ယိုဝ် လွင် မဲ ဟဲ့ ဘူင် အီ မွှိုမ် အာမ် ကာဆဝ် ခဲင် မိူင် ကာပေနာရိုမ်။ တဲး မဲ ဘူင် ပါယ် တီ ဘော ဒူင် ကွယ် မဲ နီ ခဲင် မိူင် ဘြိမ် မဲ၊ တဲး ယေ နပ်၊ မဲ မုး အာဆေ။’

24 အုဝ် ယီ တဝ်း အာခ်ု ဒီ ဘေ၊ ဆေ ဒူအီ အီ ဘျာန် ဂြုဝ်း ဇဝ်ဖြာ တး ဇမ် ခဲင် မိူင် ဘြိမ် အန်၊ ဂေ ဒူအီ အီ ကွယ် ခဲင် မိူင် အန် တီ၊ ဂေ တူ ရုဝ်ဆေ အန်။ 25 န့ ဘော ပါယ် တီ။ ဒေါ ကွယ် ဒါ အာအေလီယ တွိုန်၊ ဒေါ တူ မိုဝ်း အိုမ် ဂ့လာယ် အာဒါ အူယ် ဆီနမ် ဒီ ဒဝ် မာဂျီန်၊ ဂေ ဒူအီ ဘော အေတ့် ပီ ဒီ ဟူမ် ခဲင် မိူင် အီဆာရေလ နီ။ ဒေါ အန် တီ ဂေ ယာ ဆီပြး ဟဲ့ ကိူန် ခဲင် မိူင် အီဆာရေလ။ 26 ဇဝ်ဖြာ ယီ တူ တဲး အာအေလီယ ဟာဝ် ဇမ် ဒူင် ကွယ် ဂေ။ အန် တဲး အာအေလီယ ဟာဝ် ဇမ် ဒူင် ကွယ် ယာ ဆီပြး အူ ဝီ အီ တူ မုး ဒူအီ အာမျုဝ် ယူဒါ၊ အီ ကွယ် မိူင် ဇာရေဖတ် အီ ကွယ် ကာတတ် မိူင် ဆီဒူန်။ 27 ဒေါ ကွယ် ဒူအီ အီ ဘျာန် ဂြုဝ်း ဇဝ်ဖြာ အီ စိူဝ် အာအေလီဆာ တွိုန်၊ န့ ဘော ပါယ် တီ။ ဒေါ အန် တီ ဂေ ဒူအီ မိုဝ်း ဆဝ် ဒု^a ဟဲ့ ကိူန် ခဲင် မိူင် အီဆာရေလ။ ဇဝ်ဖြာ ယီ တူ တဲး ဆဝ် ဒွန် အီ ဟြာယ်။ န့ မုး မီ အာနေမာန် အီ တး မိူင် ဆူရီ၊ အီ တူ မုး ဒူအီ အာမျုဝ် ယူဒါ၊ ဆဝ် အန် အူ ဝီ တီ၊ ဇဝ်ဖြာ ဟဲ့ တဲး န့ ဟြာယ်၊ တဲး န့ ကဲန်။”

28 ဇဝ် ယေဆူ ဟဲ့ ဟွတ့် ကာလာင် ပါယ် တီ၊ ဂေ ဒူအီ အီ ကွယ် ခဲင် ဇူင် ကြိုပ် ဂေ ဒူအီ အာယူဒါ ဇဝ်ဖြာ တွိုန်၊ ဂေ ဟဲ့ ထူမ် လွင် အန် တီ၊ ဂေ ဘော ကြဲ ဒီ ရူ ကာဆဝ်။ 29 ဂေ ဘော ယိတ့် မှေတ့် အန်၊ ဆုတ့် အန် လေး ခဲင် မိူင် ဂေ။ ဂေ ဝီ တိုယ် အန် ဟုဝ့် ကာဒဲ့ နွန် ဒူင် ကွယ် မိူင် ဂေ။ ဂေ တဝ်း ဒီ စုန် ဘျွာ အန် ဒဲင် ဒါအာင် စာ။ 30 ဇဝ် ယေဆူ ယီ လေး ဒူင် ကွယ် ဂေ၊ ဝီ ဟာဝ် နာ ဆီ ဟာဝ် အန်။

31 ဝါယ် အန် တီ ဇဝ် ယေဆူ ဟာဝ် ဇမ် မိူင် ကာပေနာရိုမ် ခဲင် အိူင် ဂါလီလေ။ ဘော ဇမ် ဆီငဲ ဒီလှဝ်၊ ဇဝ် ယေဆူ ဘော မာနုဝ် ဂေ ဒူအီ အီ ကွယ် ခဲင် မိူင် တွိုန်။ 32 ဂေ ဒူအီ ထူမ် ပီ မာနုဝ် အန်၊ ဂေ ဘော အာမ် ကာဆဝ်။ ပီ မာနုဝ် အန်၊ န့ မိုဝ်း ပွုန် တာင်။

33 ခဲင် ဇူင် ကြိုပ် ဂေ ဒူအီ အာယူဒါ ဇဝ်ဖြာ တွိုန်၊ န့ မိုဝ်း အီမာယ် အူ ဝီ။ ကာနမ် ဟာယ် ဟဲ့ လိုပ် အန်။ ဒူအီ တီ ဘော ဒတ် တာင်။ အန် တဝ်း၊ 34 “အိုယ်၊ မဲ အာယေဆူ၊ ဝီ အီ တး မိူင် နာဆာရေတ့်၊ မာဆေ ပီ လုဝ် မဲ ဒီ ယေ။း မဲ ဟဲ့ တး ဒီ ဘူင် တဲး ယေ စှိုမ်။း အုဝ် နပ်၊ မဲ မုး အာဆေ။ မဲ မုး ဒူအီ ဘွတ် ပီ ရဝ်း ပီ တိုယ် ဇဝ်ဖြာ။”

35 အန် ဟဲ့ ဟွတ့် ကာလာင် ပါယ် တီ ဒီ ဇဝ် ယေဆူ၊ ဇဝ် ယေဆူ မိူဝ် ခြဲ ကာနမ် တွိုန် ကာလာင် ဂြုဝ်း။ အန် တဝ်း၊ “ကွဲ့ ဂြုဝ်း။ လေး ခဲင် ဒုဝ် ဒူအီ တီ။” အန် ဟဲ့ ဟွတ့် ကာလာင် ပါယ် တီ၊ ကာနမ် ဟာယ် ဝီ ဘူင် တဲး ဒူအီ တွိုန် ကေး၊ တဲး ဂေ ဘောကာဂ့လျီတ် ပွိုန် ဒီ ယိုဝ်။ အန် ဘော လေး ခဲင် ဒုဝ် ဒူအီ တီ၊ တူ ဝီ တဲး အန် မိုဝ်း ဆဝ် ပေါ န့ ပွါ။

36 ဂေ ဒူအီ ဘောကာဂ့လျီတ် ဘော အာမ် အန်။ ဂေ လာယ် ကာမွုန် လွင် အန် တီ။ ဂေ တဝ်း၊ “မာဆေ န့ မုး၊ ပီ ကာလာင် ဒါ ဆာရာ တီ။း အန် မိုဝ်း ပွုန် တာင် ကာဆဝ်၊ နပ် ဒီ စ်ု ကာနမ် ဟာယ် လေး။ ဟဲ့ ဟွတ့်၊ ကာနမ် ဘော လေး ခဲင် ဒုဝ် ဒူအီ တွိုန်။” 37 ဂေ ဘော ကာလာင် လွင် ပီ ဘူင် ဇဝ် ယေဆူ၊ တဲး န့ ကော ဘြဲ ဒွန် နာ ဒွန် ပ့လုဝ့်၊ တဲး ဂေ ဒူအီ အီ ကွယ် ခဲင် မိူင် တွိုန် ကော နပ် တူတ့် လွင် အန် တီ။

38 ဝါယ် အန် တီ ဇဝ် ယေဆူ လေး ခဲင် ဇူင် တွိုန်၊ ဟာဝ် လိုပ် ခဲင် ကာင် အာဆီမူန်။ ဒေါ အန် တီ န့ မုး ဂိုန့် အာဆီမူန် ဟဲ့ ဆဝ်ဖိုဝ်။ ဒုဝ် အန် ဟဲ့ ဒါတ် ကာဆဝ်။ ဒူအီ အီ ကွယ် ဒီ တီ၊ ဂေ ဘော မှာန့်၊ တဲး ဇဝ် ယေဆူ စွယ် ယာ တီ။ 39 ဇဝ် ယေဆူ ဘော လိုပ် ဟာဝ် ချြီ့ ဒူင် အိတ် အန်၊ စ်ု ဆဝ် အန် ဟြာယ်။ ဟဲ့ ဟွတ့်၊ ဆဝ် အန် မိူဝ် ဟြာယ် အူ ဇေန့်။ အီဘိုန့် တွိုန် ဝီ ယိတ့်၊ ရဲန် ပီ ဒီ ဟူမ်၊ ယွတ် လိုမ်လာ ဂေ။

40 ဘာ ဒီ အပ် ဒေါ ဂေတ့် ဆီငဲ၊ ဂေ တး တိုယ် ဒူအီ ဟဝ် အီ မိုဝ်း ဆဝ် ဒွန် မျုဝ်၊ တဲး ဂေ တး ဇမ် ဒီ အာတ့် ဇဝ် ယေဆူ။ ဇဝ် ယေဆူ ဒါင် ဒဲ အန် ဒဲင် ဂိန့် ဒွန် အီ၊ တဲး ဆဝ် ဂေ ဟြာယ် တူတ့်။ 41 ဘော ကာနမ် အီ လိုပ် ပ့လိုက် ဒူအီ၊ ဂေ ဘော လေး တဝ်။ ဒေါ လေး တဝ် ဂေ၊ ဂေ တဝ်း၊ “မဲ ဇဝ်၊ မဲ မုး ဂွန် ဇဝ်ဖြာ။” ဂေ ဟဲ့ ဟွတ့် တဝ်း ပါယ် တီ၊ ဇဝ် ယေဆူ တူ ခ့ဝါင် ဂေ ကာလာင် ပီ နပ် ဂေ လွင် မုး အန် အန် ဇဝ် ပီ ရဝ်း ပီ တိုယ် ဇဝ်ဖြာ တဲး အန် ချွတ် ဒူအီ။

42 ပါ ခဲညှာ ဆိန့်ဝး စေဝ် ဇဝ် ယေဆူ ဝီ လေး ခဲင် မိူင် တွိုန်၊ ဟာဝ် ဒူင် တူ မိုဝ်း ဒူအီ။ ဂေ ဒူအီ အီ ကွယ် ခဲင် မိူင် တွိုန်၊ ဂေ ယီ ဟာဝ် ဟြေတ့် အန်။ ဟဲ့ ဟွတ့် ယိုဝ် အန်၊ ဂေ ဘော မှာန့် ဒီ အန်၊ ကွဲ့ တဲး အန် ဝီ ဟာဝ် ပေါ ပ့လုဝ့်။ 43 ဇဝ် ယေဆူ ယီ တဝ်း ဒီ ဂေ၊ “အုဝ် ဘော လုဝ် ကာလာင် လွင် အာခြာဝ် ဒီ အိုပ် ဇဝ်ဖြာ ကာဒါယ် နီ၊ တဲး ဘော ဂေ ဒူအီ မိူင် ဟဝ် ကော နပ်။ ခုဝ်၊ ဇဝ်ဖြာ ဟဲ့ တိုယ် အုဝ် ဇမ် ဒီ နီ၊ တဲး အုဝ် ဘူင် ဂါန် ဇိုဝ် တီ။” ဇဝ် ယေဆူ ဟဲ့ ဟွတ့် တဝ်း ပါယ် တီ၊ 44 အန် ဝီ ဟာဝ် ဇမ် ခဲင် အိူင် ယူဒါ ဘဲန် ပ့လုဝ့် ဘဲန် ပ့လုဝ့်၊ ကာလာင် လွင် ပီ ဒီ ဘူင် ဇဝ်ဖြာ၊ တဲး ဂေ ဒူအီ ခဲင် ဇူင် ကြိုပ် ဂေ ဒူအီ အာယူဒါ ဇဝ်ဖြာ ပွိုန် ဒီ ထူမ်။