1 ယေ ဟဲ့ ဒွိုမ် ကွယ် ခူပ် ဘာင် ဘ့လဲင် ခဲင် မိူင် ဘာဘဲ၊ ဘော ဝီ လှုဝ်း နွန် ဇီအူန် ဘော ယာမ်။

2 အုဝ် ဘော ဒိုဝ်း ဒိင် အုဝ်၊ ဟွယ် အုန် ဒီ ဟေ အာရာပ် အီ ကွယ် ခူပ် ဘ့လဲင် တီ။

3 ဂေ အီ ဟဲ့ မှေတ့် ဟာဝ် ယေ၊ ဂေ ဟဲ့ မှာန့်၊ တဲး ယေ တဝ်း မှုဝ် ဒါခိုယ်။ ဂေ ဘော တဝ်း၊ “တဝ်း မှုဝ် လွင် မိူင် ဇီအူန် တွိုန် တဲး ယေ ထူမ်။”

4 ယေ ယီ တူ ခမ် ဒီ တဝ်း မှုဝ် ဇဝ်ဖြာ ဒေါ ကွယ် ယေ ခဲင် မိူင် အီ ဟဝ်။

5 အိုယ် မိူင် ယေရူဆာလဲမ်၊ ဆေ အုဝ် ဟီ ဘော ပိဝ် မဲ၊ ကွဲ့ တဲး အုဝ် နပ် ဒီ ဘး ဒိင် ဒေါ မှဝ်။

6 ဆေ အုဝ် တူ လှုဝ်း မဲ၊ ဆေ န့ တူ မုး မဲ အီ တဲး နဝ်း အုဝ် ဒါခိုယ် လွှိုမ် ဒွန် မျုဝ်၊ ကွဲ့ တဲး အုဝ် ဝီ နပ် ဒီ တဝ်း မှုဝ် ဒေါ မှဝ်။

7 အိုယ် မဲ ဇဝ်ဖြာ၊ တဲး မဲ ဇဝ် လှုဝ်း လွင် ပဲ့ ဟဲ့ စွယ် ဂေ ဒူအီ အာမျုဝ် အေဒူမ် တဲး ဂေ ဒူအီ အီ တး ခဲင် မိူင် ဘာဘဲ မှေတ့် ဂေ ဒူအီ ခဲင် မိူင် ယေရူဆာလဲမ် တွိုန်။ ဂေ ဟဲ့ တဝ်း၊ “ရိုတ့် ဝဲန် အန်၊ ရိုတ့် ဝဲန် ဘော စေန့် ရွင့် အန်၊ တဲး န့ ကော လိုဝ် တူတ့်။”

8 အိုယ် မိူင် ဘာဘဲ၊ ဘော မဲ ဒီ လိုဝ် ဒီ စှိုမ်။ ဝီ အီ ဒီ ဘူင် ဝျီ့ ပဲ့ ဟဲ့ ဘူင် မဲ ဒီ ယေ၊ တဲး အန် ဝီ ဘျုဝ် ဒါခိုယ်။

9 ဝီ အီ ဒီ ဒိုဝ်း ဂွန် မဲ ဂေ လှာန် မဲ၊ ဆတ့် ဒီ မာဝ်၊ တဲး အန် ဘျုဝ် ဒါခိုယ်။