1 အိုယ် မဲ ဇဝ်ဖြာ၊ န့ ဟဲ့ ဒုက် ကာဆဝ် ဒီ နဝ်း အုဝ်၊ န့ ဟဲ့ ပီ အုဝ် ဟဲ့ စေတ့် ခဲင် အိုမ် အီ လိုက် ကာဆဝ်။ အုဝ် ဝီ ဆာခိုဝ် ဒဲ့ မဲ ဇဝ်ဖြာ။

2 အုဝ် မှာန့်၊ တဲး မဲ ဇဝ် ထူမ် ဂြုဝ်း ပီ ဆာခိုဝ် ပီ မှာန့် အုဝ် ဒီ မဲ။ အုဝ် မှာန့်၊ တဲး မဲ ကာဝေ အုဝ်။

3 ဆေ မဲ ဇဝ် ဒိုဝ်း ဒီ နုဝ် မှာပ် ပီ ဘူင် အီ၊ အာဝ် မိုဝ်း ခေါ အူ ဝီ၊ အီ လွတ် ခမ် မှာပ် အန်။

4 မာလဲ၊ မဲ ဇဝ် ယီ မိုဝ်း နဝ်း ဆီ ဂဝ်း ဝဲန် မှာပ် ယေ၊ ဝီ တဲး ယေ ပွိုန် ဒီ ရုဝ်ဆေ မဲ။

5 အုဝ် ဘော အုန် နဝ်း ဒီ ဘ်ု ပန် ဒီ စွယ် မဲ ဇဝ်ဖြာ၊ အုဝ် ဘော ညှိုမ် ဘိုင် ဂြုဝ်း အန် ဇဝ်။

6 အုဝ် ဘော နှဝ့် မဲ ဇဝ်ဖြာ လွှိုမ် ဒူအီ ဘ်ု မိူင်၊ နှဝ့် ပန် ဒီ ဇမ် ဘ့လာင် ပြဲ။ အုဝ် ဘော နှဝ့် မဲ ဇဝ် လွှိုမ် ဒူအီ ဘ်ု မိူင် တီ။

7 ဘေ ဒူအီ အီဆာရေလ၊ တဲး ဘေ နှဝ့် န့ဒဝ့် ဇဝ်ဖြာ။ ခုဝ်၊ အန် ဇဝ် မိုဝ်း နဝ်း ရွက့် ကာဝေ အီ။ အန် မိုဝ်း ဘော နဝ်း ဆီ ချွတ် အီ ဆေဆေ။

8 အန် ဇဝ် ဒီ ဘော ချွတ် ဂေ ဒူအီ အီဆာရေလ အီ မုး ဒူအီ ပီ အိုပ် အန်၊ တဲး ဂေ လွတ် လေး ခဲင် အီ တူ မွှိုမ် ဘော ခဲင် မှာပ် ဂေ။