1 အီ ဟဝ် ဟဲ့ မှေတ့် ဟာဝ် ဂေ ဒူအီ အီ ကွယ် ဒီ နွန် ဇီအူန်။ ဒေါ တဲး ဇဝ်ဖြာ ဂေ ဝီ တး၊ အေ ဟဲ့ ယိုဝ်၊ ယီ ပီ အေ အိတ် မ့ဘာဝ်။

2 ဒေါ အန် တီ နဝ်း အေ ဘော ဒါခိုယ်၊ ဘော ခူယ် ဘော အေဝ် ကာညး။ န့ ဘော ဘဲန် တဝ်း ကာအိုဝ်၊ တဝ်း မှုဝ်။ ဂေ ဒူအီ အာမျုဝ် ဟဝ် ဘော လာယ် ကာမွုန် တဝ်း၊ “ဇဝ်ဖြာ ဟဲ့ ဘူင် အီ မွှိုမ် အာမ် ကာဆဝ် ဒီ ဂေ။”

3 ဇဝ်ဖြာ ဟဲ့ ဘူင် အီ မွှိုမ် အာမ် ကာဆဝ် ဒီ အေ။ တဲး နဝ်း အေ ဘော ဒါခိုယ် ဘော ခူယ် ကာဆဝ်။

4 အိုယ် မဲ ဇဝ်ဖြာ၊ ဂေ ဒူအီ ပဲ့ ဟဲ့ မှေတ့် ဒိုဝ်း ဟာဝ် အီ၊ တဲး ဂေ ဘောကာဂ့လျီတ် ဝီ ပွိုန် ဒီ တး၊ တဲး န့ ပီ ရူင် ကာဟဝ်း အီ ဝီ မိုဝ်း အိုမ် ဝါယ် ဂ့လာယ်၊ ဝီ လှဲ လူင် နာ တေတ့် ခဲင် ဒူင် ကာဟဝ်း။

5 န့ ပီ ဂေ အီ ယာမ် ဒေါ ဘြတ် ဂေ ဆီမာ ငှုဝ်၊ ဂေ ဒီ ဝီ တဝ်း မှုဝ် ဒါခိုယ် ပန် ဒီ ဆုဝ့် ဂေ ငှုဝ် တီ။

6 ဂေ ဒူအီ အီ ဂူင့် ဆီမာ ငှုဝ် လေး ဟာဝ် ဘော ယာမ်၊ ဂေ ဒီ ဝီ ဘျုဝ် ဒါခိုယ် တဝ်း မှုဝ် ပန် ဒီ ဝီ ဂူင့် တး ဂေ ဆီဘယ့် ငှုဝ်။