1 ဂေ အီ ညှိုမ် ဘိုင် ဇဝ်ဖြာ၊ ဂေ ပီ နွန် ဇီအူန်၊ အီ ကွယ် ဆေဆေ၊ အာဝ် နပ် ဒီယုး ဒီယေန့် ဒေါ မှဝ်။

2 ဆိန့် ဒေါ တီ နီ ဟာဝ် နာ အာတ့်၊ ဇဝ်ဖြာ ဒီ ကွယ် ရိုမ် ဒူပ် ဒူအီ အီ မုး အာမျုဝ် အန် ဆေဆေ၊ တဲး န့ ပီ နွန် အီ ကွယ် ရူပ် မိူင် ယေရူဆာလဲမ်။

3 ဂေ ဒူအီ ဟာယ် ဒူအီ မိူက်၊ ဂေ တူ ပွိုန် ဒီ အိုပ် ဆေဆေ မိူင် ပီ ဒွါ ဇဝ်ဖြာ ဒီ ဂေ ဒူအီ နဝ်း ဆိူဝ် နဝ်း မှာန်။ ဆေ ဂေ ဟီ အိုပ် ဒူအီ နဝ်း ဆိူဝ်၊ ယုဝ် ဘော ဂေ ဒူအီ နဝ်း ဆိူဝ် ဒီ ဘော နပ် ဒီ ဘူင် နာ တူ မွှိုမ် နာ စီစိဝ်။

4 အိုယ် မဲ ဇဝ်ဖြာ၊ တဲး မဲ ဇဝ် ဒွါ နဝ်း ဒါခိုယ် ဒီ ဂေ ဒူအီ ဘွတ် ဒူအီ မွှိုမ်၊ တဲး မဲ စွယ် ဘော ဂေ အီ ဒူပ် ဒါရာ မဲ ဇဝ်။

5 န့ ယီ မုး ဂေ ဒူအီ ဟာယ် ဒူအီ မိူက် ဘော ဂေ အီ တူ ဒူပ် န့တေန့် အန် ဇဝ်၊ အန် ဇဝ် ဒီ ဝီ ဒမ် မှာပ် ဒီ ဂေ ဘောကာဂ့လျီတ်၊ တဲး ဂေ စှိုမ် တူတ့်။ မဲ ဇဝ်ဖြာ၊ တဲး မဲ တဲး ဂေ ဒူအီ အီဆာရေလ ဝီ မိုဝ်း နဝ်း ဒါခိုယ် နဝ်း ယေန်။