1 ဒေါ ဇမ် အုဝ် ဒုက် တာင်၊ အုဝ် ဆာခိုဝ် ဒီ ဇဝ်ဖြာ၊ အန် ဇဝ် မိူဝ် ထူမ် ဂြုဝ်း အုဝ်။

2 အိုယ် မဲ ဇဝ်ဖြာ၊ အုဝ် မှာန့်၊ တဲး မဲ ဇဝ် စွယ် အုဝ်၊ တဲး အုဝ် လွတ် ဒီ ဂေ အီ တူ ကာလာင် နာ မှာန်၊ ဂေ အီ ဆီမာ ကာလုဝ်။

3 အိုယ် ဘေ အီ ဆီမာ ကာလုဝ်၊ ဇဝ်ဖြာ ဒီ ဒမ် မှာပ် ဒီ ဘေ၊ အာခ်ု မှာန်။ အန် ဇဝ် ဒီ ဘော တဲး ဘေ ခမ် ဒုက်။

4 အန် ဇဝ် ဒီ ဘော ဒိုဝ်း ဘ့လာ အီ ဘတ့်၊ ဘန့် ဘေ။ အန် ဇဝ် ဒီ ဘော ဒိုဝ်း န့ကိုဝ် ငဝ် ဘ့လုး ဘေ။

5 အုဝ် ဟဲ့ ဒွိုမ် ကာဒုး ဒီ ကွယ် ခူပ် ဒူအီ အီ ဟာယ် ကာဆဝ် ပီ ဂေ အီ ကွယ် ခဲင် မိူင် မဲဆိတ် ဘော ဂေ အီ ကွယ် ခဲင် ထိုပ် ခဲင် မိူင် ကေတာ။^a န့ ဟဲ့ ဘဲန် ဒုက် တာင် ဒီ အုဝ်။

6 အုဝ် ဟဲ့ ဒွိုမ် ကွယ် လှေန့် ကာဆဝ် ဒူပ် ဂေ အီ တူ လာယ် ကာလဝ့်။

7 အုဝ် ယီ အိုင် ဒီ လာယ် ကာလဝ့်။ ဒေါ ကာလာင် အုဝ် နာ မွှိုမ် ဒီ ဂေ၊ ဂေ ဝီ ဟြေတ့် ဒီ ကာဂုဝ်း ဒီ အုဝ်။